12px13px15px17px
Tarix:22/12/16

NASA-nın elektromaqnit çantası yanğınsöndürənləri və xilasediciləri tapmağa kömək edəcək

NASA tərəfindən yanğınsöndürənlər və xilasedicilər üçün hazırlanmış elektromaqnit treker onları uçqun, mağara və başqa əlçatmaz yerlərdə tapmağa kömək edəcək.

“ICTnews” Elektron Xəbər Xidməti “naked-science.ru” saytına istinadən yazır ki, texnologiyaların yanğınsöndürmə və başqa xilasetmə xidmətləri üçün insan həyatını xilas etməkdə yardım etməsinə baxmayaraq, daha bir problem mövcuddur. Mürəkkəb struktura malik yerlərdə xilasetmə xidmətinin üzvünün olduğu yeri necə müəyyənləşdirmək olar? NASA-nın mühəndisləri tərəfindən bu problemin həlli üçün hazırlanmış yeni qurğu yanğınsöndürənlərə və xilasedicilərə ən çətin vəziyyətlərdə kömək edəcək.

“POINTER” adlandırılmış qurğu kvazistatik elektromaqnit sahələr generatorudur, halbuki bu sahədə aparılan araşdırmaların əksəriyyəti radiodalğalardan istifadəyə əsaslanır. Kvazistatik sahələr bir sıra üstünlüklərə malikdir və obyektləri ən mürəkkəb yerlərdə axtarmağa imkan verir. Bundan başqa, belə sahələr obyektlərin məkanda oriyentasiyasını müəyyənləşdirməyə kömək edəcək ki, bu da insanın vəziyyətindən xəbərdar olmağa imkan verəcək.

İstehsalçılar sözügedən texnologiyanın ABŞ Daxili Təhlükəsizlik Departamentində uğurlu təqdimatından sonra qurğunu təkmilləşdirməyi və ölçüsünü kiçiltməyi planlaşdırırlar. Hazırda qurğunun ölçüsü çanta boydadır.

Emil Hüseynov




Baxış sayı: 487

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024