12px13px15px17px
Tarix:07/01/17

“Galaxy S8” smartfonunun sınaqlarına başlanılıb

Cənubi Koreyanın "Samsung" şirkəti yeni qabaqcıl "Galaxy S8" və "Galaxy S8 Plus" smartfon modellərini sınaqdan keçirməyə başlayıb. Qurğuların tam sensorlu idarəetmə ilə təchiz ediləcəyi gözlənilir.
 
"ICTnews" Elektron Xəbər Xidməti "IGate" resursuna istinadən yazır ki, Çində keçirilən sınaqlarda smartfonların yerli bazarla yanaşı, digər ölkələr üçün versiyaları test edilir.
 
Dekabrın ilk günlərində internet mənbələrində Cənubi Koreya istehsalçısının "Galaxy S8" modelində "Home" fiziki düyməsindən imtina edərək displey şüşəsinin altında yerləşəcək sensor düyməyə üstünlük verməsi barədə məlumat yayılıb. Qurğunun konstruksiyasında nəzərəçarpacaq dəyişikliklərin təkcə "Apple" şirkəti və Çin brendləri ilə aparılan rəqabətlə əlaqədar olmadığı bildirilir. Bazar icmalçılarının fikrincə, "Galaxy 8" modeli "Galaxy Note 7" smartfonunun uğursuzluğundan sonra əsas populyar qurğu olmaqla şirkət pərəstişkarlarının ümidlərini doğruldacaq.
 
Məlumata görə, "Samsung" fiziki naviqasiya klavişlərindən tam imtina edərək bütün üst tərəfi ekran üçün istifadə edəcək. Aparatın ön tərəfində yerləşən barmaq izi skaneri də ləğv edilə bilər. Biometrik identifikasiyanın necə quraşdırılacağı barədə məlumat verilmir.
 
Nizam Nuriyev 




Baxış sayı: 423

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024