12px13px15px17px
Tarix:19/01/17

İlk virtual platformalı mobil şəbəkə istifadəyə verilib

“velcom” şirkəti dünya mobil operatorları arasında ilk dəfə olaraq tam virtual mobil şəbəkə nüvəsini kommersiya istifadəsinə verib. Texnoloji innovasiya şirkətin şəbəkəsinin bütün konfiqurasiyasına təsir göstərəcək.

“ICTnews” Elektron Xəbər Xidməti “Belta” resursuna istinadən yazır ki, vahid virtual nüvəli şəbəkənin yaradılması üzrə layihə 9 aya “ZTE” şirkətinin Avstriya nümayəndəliyinin mütəxəssisləri ilə əməkdaşlıqda həyata keçirilib. “velcom” bunun üçün əsas şəbəkənin arxitekturasını köklü dəyişib və “NFV” şəbəkə funksiyalarının virtuallaşdırılması texnologiyasından istifadə etməklə nüvənin bütün əsas komponentlərini yeni “bulud” platformasına keçirib. Beləliklə, şirkət şəbəkəsində trafikin əsas hissəsi virtual nüvədən keçəcək.  

Nüvənin virtuallaşdırılması şəbəkənin məhsuldarlığı üzrə məhdudiyyətləri aradan qaldırmağa imkan verəcək. Pik yüklənmə vaxtında resursların paylanmasını avtomatik tənzimləmək və lazım gəldikdə əlavə serverlərin gücündən istifadə mümkün olacaq. Layihənin həyata keçirilməsi “velcom” şəbəkəsində yeni məhsul və xidmətlərin daha tez tətbiqinə kömək edəcək.
 
Şəbəkə nüvəsinin tam virtual platformaya keçirilərək yenidən qurulması operatora mürəkkəb telekommunikasiya avadanlığını yeniləməkdən imtina etməklə onu standart server İT avadanlığı ilə əvəzləməyə imkan verəcək ki, nəticədə şəbəkə daha sürətli və etibarlı olacaq.

Layihənin tətbiqində “velcom” mobil operatorunun, “Telekom Austria Group” holdinqinin və “ZTE” şirkətinin Avstriya nümayəndəliyinin mütəxəssisləri iştirak ediblər.

Nizam Nuriyev 




Baxış sayı: 455

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024