12px13px15px17px
Tarix:30/09/11

“StatCounter”: “Google Chrome” səyyahı populyarlığa görə ilin sonuna kimi “Mozilla Firefox”u ötəcək

“StatCounter” monitorinq şirkətinin proqnozlarına əsasən, “Google Chrome” səyyahı cari ilin sonuna kimi yalnız “Microsoft İnternet Explorer”dən geri qalaraq bazar payına görə “Mozilla Firefox”u ötə və ikinci yerə çıxa bilər.

İrlandiya şirkətinin hesablamalarına əsasən, “Chrome” səyyahı “Firefox”dan ikinci yeri dekabrın ilk yarısında və ya hətta bir az əvvəl alacaq.

“StatCounter” şirkəti çərşənbə günü axşam səyyahların sentyabr ayı üzrə bazar paylarının bölgüsü ilə bağlı son qlobal statistik məlumatları dərc edib.

Nəticələr belədir: “Chrome” - 23,6%, “Firefox” 26.8,% və “İnternet Explorer”- 41.7%. “StatCounter” bildirib ki, ilin əvvəlindən, 9 ay ərzində “Chrome” səyyahının istifadəçilərinin bazası 2 dəfə artıb.

“StatCounter” qeyd edib ki, “Opera” və “Safari” səyyahlarının payları kifayət qədər sabitdir, halbuki “Chrome” bazasının artımı, əsasən “Firefox” və “İnternet Explorer” səyyah bazalarının azalması hesabına mümkün olub. 2011-ci ilin əvvəlindən “Firefox”un bazası 13%, “İnternet Explorer”-də isə 9% azalıb.

Analitiklərin hesablamalarına əsasən, “Chrome” və “Firefox” səyyahlarının payları təxminən noyabr ayında bərabər olmalıdır.



Baxış sayı: 1435

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024