12px13px15px17px
Tarix:01/10/11

Qarabağ ərazisində rəqəmli TV yayıma başladı

Artıq Qarabağ bölgəsində də rəqəmli TV yayımına başlanılıb. Bu barədə “İCTnews”-a Rabitə və İnformasiya Texnologiyaları Nazirliyinin “Teleradio” İB-nin texniki direktoru Mikayıl Abbasov bildirib.

Onun sözlərinə görə, bölgədə yayım Ağsu Radio Televiziya Yayım Stansiyasında yüksək tələblərə cavab verən rəqəmli TV yayım avadanlığı qurulmasından sonra baş tutub.

”Ağsu aşırımının 864 metr hündürlüyündə 92 metrlik teleqüllədən yayım həyata keçirilir. Bu yayım bütün Aran bölgəsi ilə yanaşı, Qarabağ bölgəsini də əhatə edir”.

Beləliklə, birlik bununla da Azərbaycanda rəqəmli yayımla ölkə əhalisinin 55 faizinin yaşadığı ərazini əhatə etmiş olur”.

Texniki direktor gələn il bütün Azərbaycan ərazisinin rəqəmli televiziyanın əhatə dairəsinə qatılacağını qeyd edərək hazırda yayımın Bakı və Abşeron yarımadası ilə yanaşı, Gəncə, Şirvan, Lerik, Ağsu stansiyaları vasitəsilə adıçəkilən şəhər və rayonlarla yanaşı, ətraf rayonları da əhatə etdiyini xatırladıb.

Qeyd edək ki, ölkədə analoq efir yayımından rəqəmsal yayıma keçid 2009-cu ildən, Bakıda isə bu istiqamətdə sınaq işlərinə hələ 2004-cü ilin sentyabrında başlanılıb.



Baxış sayı: 2081

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024