12px13px15px17px
Tarix:15/02/17

“Açıq Hökumət Məlumatları” portalında məlumatların sayının artırılması ilə bağlı işlərə başlanılıb

Nəqliyyat, Rabitə və Yüksək Texnologiyalar Nazirliyinin Məlumat Hesablama Mərkəzində "Açıq Hökumət Məlumatları" mövzusunda görüş keçirilib. Nazirliyin bütün strukturlarını əhatə edən görüşdə "Açıq Hökumət Məlumatları" portalı, açıq məlumatlar, bu məlumatlar üzərindən hazırlanmış mobil tətbiqlər və bu tətbiqlərin dünya iqtisadiyyatına gətirdiyi gəlir, eyni zamanda portalda açıq məlumatların sayının artırılması barədə müzakirələr aparılıb. 

Tədbirdə çıxış edən Məlumat Hesablama Mərkəzinin (MHM) direktor müavini Elçin Əliyev açıq məlumatların "Elektron hökümət" quruculuğunda yeni bir inkişaf mərhələsi olduğunu vurğulayıb. Elçin Əliyev artıq 2 ildir ki, vətəndaşların ixtiyarında olan, Nəqliyyat, Rabitə və Yüksək Texnologiyalar Nazirliyinin daxili imkanları hesabına yaradılmış "data.gov.az" adlı "Açıq Hökumət Məlumatları" portalında 25 adda məlumat yer aldığını qeyd edib. 

MHM-in baş mütəxəssisi Nadir Rəsulov isə "Açıq Hökumət Məlumatları" portalında açıq məlumatların sayının artırılmasını qarşıya məqsəd qoyulduğunu nəzərə çatdırıb. Bu məqsədlə nazirliyin bütün strukturlarından öz səlahiyyətləri çərçivəsində ictimai əhəmiyyətli məlumatları kompüter proqramı tərəfindən oxunaqlı formata gətirərək, hökumət portalına yerləşdirmək tələb olunur. Nadir Rəsulov qeyd edib ki, hansı məlumatları açıq etmək hər bir qurumun öz səlahiyyəti çərçivəsindədir, açıq edilən məlumatlar formatı isə müəyyənləşdirilmiş texniki şərtlərə uyğun olmalıdır.
 

Daha sonra marketinq şöbəsinin müdiri Ceyhun Məmmədov "Açıq Hökumət Məlumatları" portalı haqda keçirdiyi təqdimatda iştirakçılara "açıq hökumət, açıq məlumatlar, açıq servislər"lə bağlı ətraflı məlumat verdi. Bildirdi ki, sahibkarlara dəstək, startapların və vətəndaş cəmiyyətinin inkıişafı, açıq hökumət məlumatlarının əsas istiqamətləridir. Bu məqsədlə hər kəs fəaliyyət göstərdiyi qurumun mülkiyyətində olan müvafiq məlumatların "Açıq Hökumət Məlumatları" portalına yerləşdirilməsini təmin etmək üçün təşəbbüs göstərməli və bu sahənin inkişafına dəstək olmalıdır. 
 

Görüşdə məlumatların açıq edilməsi və portalın texniki məsələləri ilə bağlı MHM-in Yeni Texnologiyalar şöbəsinin müdiri Cəmşid Naxçıvanski ətraflı məlumat verib.
 

Tədbir iştirakçıları maraqlandıran sualların cavablandırılması və müzakirələrlə yekunlaşıb.





Baxış sayı: 246

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






14 Dekabr 2017

13 12 2017

13/12/17
Dünya informasiya təhlükəsizliyi bazarının həcmi 9 faiz artıb

“Canalys” analitik şirkəti 2017-ci ilin üçüncü rübündə dünyada kibertəhlükəsizlik üç

13/12/17
Bu şirkətin noutbuklarında klaviatura casusu aşkar edilib

“HP Inc.” şirkətinin kompüterlərində yenidən casus funksionallığı aşkar edilib. Bu barədə informasiya 

13/12/17
Növbəti “Galileo” peyk sistemi buraxılıb

“Ariane-5” raketdaşıyıcısı dekabrın 12-də Fransız Qvianasında (Cənubi Amerikada, Fransanın 

13/12/17
“Microsoft” kvant hesablamaları üçün proqramlaşdırma dili təqdim edib

“Microsoft” şirkəti tərəfindən təqdim edilmiş “Quantum Development Kit” adlı hazırlama vasitələri paketinin 

13/12/17
“Samsung” qurğuların enerji ilə dodurulması üçün “ağıllı” sviteri patentləşdirib

Cənubi Koreyanın “Samsung” şirkəti istifadəçilərə qurğuları enerji ilə doldurmağa imkan verəcək 

13/12/17
“Goldmont Plus” arxitekturalı ilk birkristallı “Gemini Lake” sistemləri təqdim edilib

“Intel” şirkəti “Goldmont Plus” arxitekturası əsasında ilk birkristallı “Gemini Lake” sistemlərini 

13/12/17
Ekranın alt hissəsinə qurulmuş barmaq izi skaneri ilə təchiz edilmiş smartfon təqdim olunacaq

ABŞ-ın kompüter komponentləri istehsalçısı olan “Synaptics” şirkəti ekranın alt hissəsinə qurulmuş “Clear ID