NRYTN

Tarix:03/10/11

Paytaxt sakinlərinin keyfiyyətli rabitə xidməti ilə təmin edilməsi üçün yeni avadanlıqların tətbiqi genişləndirilir

Bakı Telefon Rabitəsi İstehsalat Birliyi paytaxt sakinlərinin daha keyfiyyətli rabitə xidməti ilə təmin edilməsi məqsədilə yeni avadanlıqların tətbiqini genişləndirir.

Bu barədə “ictnews”-a birliyin texniki direktoru Rəsul Qurbanov məlumat verərək bildirdi ki, sakinlərin mənzillərinə yüksək keyfiyyətli rabitə və internet xidmətləri ilə təmin edən “ONU”(Optik Network Union (Optik Şəbəkə Nöqtəsi) tipli stansiyanın tətbiqi genişləndirilir.Texniki direktor bildirdi ki, həyata keçirilən tədbirlər nəticəsində Kürdəxanı, Savalan, Ramanı qəsəbələrində, Məkan və Şəfəq MTK-larda bu avadanlıqlar istismara verilib. O bildirdi ki, “ONU” stansiyası sakinlərə NGN texnologiyası imkanlığı ilə 62 növ servis xidmətindən istifadə etməyə imkan verir.

Sözügedən avadanlıq istifadəçilərin telefon rabitəsi ilə yanaşı, İP TV, videotelefon və digər multimedia xidmətlərindən yüksək səviyyədə istifadəsinə geniş imkanlar yaradır.

Qeyd edək ki, avadanlıq abunəçi ilə stansiya arasında məsafəni qısaldır, telefon, internet xidmətinin daha sürətli və keyfiyyətli şəkildə çatdırılmasını təmin edir.

Baxış sayı: 1796