12px13px15px17px
Tarix:18/04/17

“Açıq İnnovasiyalar üzrə Startap Turu” öz işini yekunlaşdırdı

Azərbaycan Respublikası Nəqliyyat, Rabitə və Yüksək Texnologiyalar Nazirliyi və Rusiya Federasiyasının "Skolkovo" Fondunun təşkilatçılığı ilə Bakıda 17-18 aprel 2017-ci il tarixində ilk dəfə keçirilən "Open Innovations Startup Tour" (Açıq İnnovasiyalar üzrə Startap Turu) çərçivəsində iki günlük tədbir öz işini yekunlaşdırdı.

 "Açıq İnnovasiyalar üzrə Startap Turu"nun əsas məqsədi yüksək texnologiyalar sahəsində perspektivli və innovativ layihələrin həyata keçirilməsinə dəstək verməkdir.
İki günlük tədbirdə Rusiyadan "Skolkovo" texnoparkının nümayəndələri, yerli və beynəlxalq startaplar, biznes qurumlarının təmsilçiləri iştirak ediblər. Tədbir startapçılar, biznes nümayəndələri üçün əlaqələrin yaradılması, təcrübə mübadiləsi üçün əlverişli platforma rolunu oynayıb.

Tədbirin ikinci günü startapçılar qarşısında çıxış edən Azərbaycan  İnformasiya Texnologiyalarının İnkişafı Dövlət Fondunun icraçı direktoru Elçin Zeynalov bildirib ki, bu gün ölkəmiz üçün innovativ ekosistemin inkişafı böyük əhəmiyyət kəsb edir. "Dövlət tərəfindən Azərbaycanda startap hərəkatının inkişafı üçün əlverişli mühitin yaradılmasına lazımi dəstəyi göstərir. Belə ki, 2012-ci ildə Azərbaycan Respublikası Prezidentinin Sərəncamı ilə Nəqliyyat, Rabitə və Yüksək Texnologiyalar Nazirliyinin tabeliyində intellektual bizneslə məşğul olan innovativ sahibkarlıq subyektlərinə maliyyə dəstəyi göstərmək üçün  İnformasiya Texnologiyalarının İnkişafı Dövlət Fondu yaradılıb. Məhz buna görə biz şadıq ki, bu il "Open Innovations Startup Tour" Azərbaycanda keçirilir. Çünki belə tədbirlər bizə rusiyalı həmkarlarımızın təcrübəsi haqqında məlumat əldə etməyə və yüksək texnologiyalar sahəsində əməkdaşlığı möhkəmləndirməyə imkan verir"- deyə E.Zeynalov qeyd edib.

"Skolkovo" Fondunun elm və təhsil üzrə vitse-prezidenti Nikolay Suetin isə "Open Innovations Startup Tour" Azərbaycanda keçirilməsindən məmnunluğunu ifadə edib.
 
"İqtisadi baxımdan ölkələrimiz bir-birinə çox bənzəyir: xammal sektorunda nəzərə çarpacaq diqqət müşahidə edilir. Azərbaycan rəhbərliyi iqtisadiyyatı şaxələndirməyə və innovasiyalar sahəsini inkişaf etdirməyə çalışır. Bu səbəbdən "Skolkovo" təcrübəsi burada faydalı olacaq. Bundan başqa, belə əməkdaşlıq bizim startaplar üçün də faydalıdır. Belə ki, əməkdaşlıq onların qarşısında yeni bazarlar və yeni imkanlar açır. Ümid edirəm ki, bizim iki gün ərzində gördüyümüz iş iki dövlət arasında uzunmüddətli və faydalı əməkdaşlıq üçün yaxşı başlanğıc olacaq".
 
 
"Açıq İnnovasiyalar üzrə Startap Turu"nun Azərbaycan üzrə qalibi, "Lia" layihəsinin həmmüəllifi Arif Mövsümzadə bu layihə üzərində iki ildir çalışdıqlarını bildirib. O qeyd edib ki, aparıcı mütəxəssislərin ekspert qiymətini almaq çox vacib idi.

"Mentorlar bizə layihəmizi istifadədə daha rahat və rəqabətə davamlı etmək üçün bir sıra dəyərli məsləhət verdilər. "Skolkovo" Fondunun Rusiyadan kənara çıxması çox yaxşı haldır, çünki bu, bizə yeni bazarlara yol açır və xaricdə geniş əlaqələr şəbəkəsi yaratmağa imkan verir".
 
 




Baxış sayı: 893

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






12 Dekabr 2017

11 12 2017

11/12/17
Avtonom avtomobillər üçün innovativ texnologiya təqdim olunub

“LG Electronics” şirkəti sürücüsüz avtomobillərin təhlükəsizliyini artırmağa imkan verən texnologiya 

11/12/17
Bu smartfon digərlərindən daha sürətli enerji toplayır

Çinin qabaqcıl smartfonunun batareyası 30 dəqiqə ərzində 53%, 1 saat müddətində isə 100% enerji ilə doldurulub.

11/12/17
Zaqatalada “Şəbəkə” xidmət mərkəzi fəaliyyətə başladı

Ölkəmizdə telekommunikasiya infrastrukturunun müasirləşdirilməsi üzrə aparılan işlər çərçivəsində Zaqatala 

11/12/17
“3D” printerdə “Wi-Fi” qurğusu çap edilib

Vaşinqton Universitetinin alimləri üçölçülü printer vasitəsilə “Wi-Fi” qurğusu çap ediblər. 

11/12/17
“Fynoti” qurğusu evi oğrulardan qoruyacaq

Mütəxəssislər ev üçün mühafizə sistemlərini əvəzləyəcək yeni “Fynoti” qurğusunu təqdim ediblər. 

11/12/17
Yeni dron ofis işçilərinin həddən artıq əməksevərliyi ilə mübarizə aparacaq

Yaponiyanın “Taisei” şirkəti ofis işçilərinin həddən artıq əməksevərliyi ilə mübarizə üçün orijinal həll təkl

11/12/17
Növbəti il “iPhone” modelləri “L” şəkilli batareya ilə təchiz ediləcək

“Apple” şirkəti “OLED” ekranlı gələcək smartfonlar üçün “L” hərfi şəklində olan batareyaların haz

11/12/17
Proqramçılar “Windows” üçün görünməz virus yaradıblar

“EnSilo” şirkətinin əməkdaşları antivirus proqramlarını keçməyə imkan verən ən yeni metod təqdim ediblər.