12px13px15px17px
Tarix:07/10/11

Azərbaycanda elektron təhlükəsizlik üzrə struktur yaradıla bilər

Azərbaycan ölkədə elektron təhlükəsizlik üzrə idarənin yaradılması üçün beynəlxalq təcrübəni öyrənir. Bu barədə Rabitə və İnformasiya Texnologiyaları Nazirliyinin Hüquq və kadrlar şöbəsinin müdiri Bəxtiyar Məmmədov məlumat verib.

"Hökumətə artıq Rabitə və İnformasiya Texnologiyaları Nazirliyi yanında elektron təhlükəsizlik üzrə idarənin yaradılması barədə təklif göndərilib", - Məmədov bildirib.

Strukturun yaradılmasında məqsəd milli internet-mühitin təhlükəsizliyini təmin etmək, informasiya sistemi və resurslarında boşluqların vaxtında aşkar olunması, onların aradan qaldırılması və bu sahədə fəaliyyət göstərən digər strukturlara yardım etməkdir.

B.Məmmədovun sözlərinə görə, qlobal informasiya birliyinin formalaşdırılması ilə dövlətlərarası qarşıdurma virtual aləmə keçir.

"Virtual şəbəkənin mümkün təhlükələrdən qorumaq üçün informasiya təhlükəsizliyinin təmin olunması vacibdir. Proqram təminatının daxili mexanizminin, eləcə də mövcüd şəbəkə hücumlarının iş prinsipinin öyrənilməsi xüsusilə vacibdir", - o qeyd edib.

Ekspertlərin rəyinə görə, son illərdə fişinq-insidentlərin, spamların və s. əhəmiyyətli dərəcədə sayı artıb. B.Məmmədovun sözlərinə görə, belə arzuolunmaz insidentlərin qarşısını almaq xüsusilə vacibdir.



Baxış sayı: 1181

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024