XƏBƏRLƏR

Tarix:30/06/17

“Instagram” sosial şəbəkəsində spama qarşı filtr tətbiq edilir

Bu gündən “Instagram” sosial şəbəkəsində istifadəyə verilmiş filtr dərcləri və birbaşa yayımda yazılmış şərhlərdəki spamı bloklayacaq. Bu haqda sosial şəbəkənin mətbuat xidməti məlumat verib.

“ICTnews” Elektron Xəbər Xidməti “gazeta.ru” saytına istinadən yazır ki, filtr rus dili daxil olmaqla 9 dili dəstəkləyir. “Instagram” nümayəndələrinin sözlərinə görə, yeni funksiya platformada təhlükəsiz və pozitiv atmosferi qoruyub saxlamağa imkan verəcək. Filtr kompüter təlimi texnologiyası sayəsində spamı müəyyənləşdirəcək.

Bundan başqa, “Instagram” artıq başqa filtr də elan edib. Bu filtr təhqiredici şərhlərin qarşısını almağa imkan verəcək.

Emil Hüseynov

Baxış sayı: 335