12px13px15px17px
Tarix:11/09/17

“Windows” və “macOS” üçün “Google Drive” proqramı martda öz fəaliyyətini dayandıracaq

"Google" şirkətinin məlumatına görə, 11 dekabrda "Google Drive" masaüstü proqramının dəstəyi, gələn il martın 12-də isə onun fəaliyyəti tamamilə dayandırılacaq. Bu proqramı öz kompüterinə qurmuş istifadəçilərə oktyabrda bu barədə xəbərdarlıq ediləcək.

"ICTnews" Elektron Xəbər Xidməti "3dnews.ru" saytına istinadən yazır ki, şirkət iki yeni proqramdan birini (istifadəçinin adi istehlakçı və ya biznes istifadəçi olmasından asılıdır) "Google Drive" proqramına əvəzetmə kimi təklif edəcək. "Google Drive" öz fəaliyyətinə davam edəcək. Veb versiya, smartfonlar üçün proqramlar vasitəsilə bulud saxlanc sistemindən istifadə mümkün olacaq.

İndi "Google" şirkəti məlumatların ehtiyat köçürülməsi və bulud sistemində saxlanılan fayllara giriş əldə etmək üçün iki yeni alət təqdim edir. "Backup and Sync" istehlak proqramı "Google Drive" və "Google Photos Uploader" proqramlarını əvəz edəcək.

İnternet nəhəng tərəfindən korporativ seqment üçün təqdim edilmiş "Drive File Streamer" aləti lokal diskdə yerə qənaət edir və kompüterdən "Google Drive"da saxlanılan bütün fayllara daha sürətli giriş əldə etməyə imkan verir. "Faylların sinxronlaşdırılması və diskdə yer sahəsi kimi artıq vaxt alan qayğılara əlvida deyin" – ABŞ şirkətinin nümayəndəsi deyib.

Emil Hüseynov




Baxış sayı: 327

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024