12px13px15px17px
Tarix:19/09/17

Çərçivəsiz ekranlı “OUKITEL Mix 2” və “OUKITEL C8” smartfonları təqdim olunub

Tamekranlı smartfonların son vaxtlar populyarlıq qazanmasına görə Çinin “OUKITEL” istehsalçısı yenilikdən geri qalmamaq üçün belə ekranlarla təchiz edilən iki yeni qurğu təqdim edib. Oktyabrda satışa çıxarılacaq smartfonlar “OUKITEL Mix 2” və “OUKITEL C8” adlanır.

“ICTnews” Elektron Xəbər Xidməti “Hi-News” resursuna istinadən yazır ki, xarici görünüşünə görə “Xiaomi Mix 2” smartfonuna bənzəyən “OUKITEL Mix 2” qurğusunun displeyinin korpusa nisbəti 80 faiz təşkil edir ki, bu da müasir standartlara uyğundur. Sağ aşağı hissədə, həmçinin işıqlandırıcı ilə təchiz edilən ön kamera quraşdırılıb.

Məlumata görə, “Mix 2” “OUKITEL” şirkətinin 6 giqabaytlıq operativ yaddaşa malik ilk smartfonudur. Quraşdırılmış yaddaş tutumu 64 giqabayta bərabər yeni smartfonun qiyməti 229,99 dollar təşkil edəcək. Bu, “Xiaomi Mix 2” smartfonunun qiymətindən təxminən üç dəfə ucuzdur.

Bildirilir ki, şirkət “OUKITEL Mix 2” ilə birlikdə daha ucuz - 59,99 dollarlıq çərçivəsiz ekrana malik “OUKITEL C8” modelinin buraxılışını da planlaşdırır. 5,5 düym diaqonallı ekranın tərəflərinin nisbəti 18:9 təşkil edir ki, bu da son vaxtlar smartfonlar bazarında standarta çevrilib.

Artıq istehsalçısının rəsmi saytında yerləşdirilən “OUKITEL C8” smartfonu üçün ilkin sifarişlərin qəbuluna başlanılıb.

Nizam Nuriyev 




Baxış sayı: 288

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024