XƏBƏRLƏR

Tarix:29/09/17

Videozəngləri dəstəkləyən “ağıllı” zəngli saat təqdim olunub

“Amazon” şirkəti “Echo” istehsal xəttindən olan qurğuları tamamlayan “Echo Spot” “ağıllı” saatını təqdim edib.

“ICTnews” Elektron Xəbər Xidməti “NEWSru” resursuna istinadən yazır ki, kiçik 2,5 düym diaqonallı ekran və quraşdırılmış kamera ilə təchiz edilən saat “Echo Dot” və “Echo Show” qurğularının hibridini təşkil edir. Saat əsas təyinatı ilə yanaşı, videorabitə funksiyasını dəstəkləyir və kənar dinamiklər vasitəsilə “Amazon Prime Music”, “Pandora”, “Spotify”, “iHeartRadio” və “TuneIn” kimi servislərdən musiqinin dinlənilməsi üçün istifadə oluna bilər.

ABŞ-da “Echo Spot” “ağıllı” saatı üçün ilkin sifarişlərin qəbulu sentyabrın 27-də başlayıb. Qiyməti 130 dollar təşkil edəcək qurğunun bu ilin dekabrında satışa çıxarılması planlaşdırılır.

Nizam Nuriyev

Baxış sayı: 375