Tarix:13/10/11

Fərdi kompyuter tədarükləri aşağı düşür

“Gartner” və “İDC” analitik şirkətlərinin bu gün dərc edilmiş məlumatlarına əsasən, üçüncü rübdə fərdi kompyuterlərin bazara tədarükü artmağa davam edib, lakin artım zəif templərlə baş verib.

Həm “Gartner”, həm də “İDC” şirkətləri bildiriblər ki, azalma dördüncü rübdə də davam edəcək və o, həm istehsalçıların, həm də kompyuter satıcılarının faktiki rüblük nəticələrini zəiflədəcək. Analitiklər bildirirlər ki, neqativ təsiri ilk olaraq mikroprosessor istehsalçıları hiss edəcəklər.

“İDC” və “Gartner” analitik şirkətləri qeyd ediblər ki, fərdi kompyuter satışları hal-hazırda smartfon və planşetlərin artan tələbatına görə əzab çəkir. Həm “Gartner”, həm də “İDC” şirkətləri bildirirlər ki, “HP” şirkətinin gəlirləri fərdi kompyuter satışlarından artır.

Hər iki şirkətin məlumatına əsasən, “HP” fərdi kompyuter bazarında öz liderliyini saxlayır. Lakin üçüncü rübün nəticəsinə görə, ikinci yeri artıq Çinin “Lenovo” şirkəti tutub. “Lenova” tədarük həcmlərinə görə Amerikanın “Dell” şirkətini ötüb.

“Gartner” şirkətinin hesablamalarına əsasən, üçüncü rübün nəticəsinə əsasən cəmi 91,8 milyon yeni fərdi kompyuter satılıb, bu isə keçənilki göstəricidən 3.2% çoxdur, lakin əvvəl bildirilmiş proqnozdan 5.1% aşağıdır.

Baxış sayı: 825

© İstifadə edilərkən İctnews-a istinad olunmalıdır