12px13px15px17px
Tarix:14/10/11

Bakıda genişzolaqlı qoşulmaların sayı hər gün 300-ə çatır

BakinterNet dövlət internet-servis-provayderi şəbəkəsinə genişzolaqlı qoşulmaların sayı hər gün 200-250 vahid artır. Bu barədə Azərbaycan Rabitə və İnformasiya Texnologiyaları Nazirliyinin "Bakı Telefon Rabitəsi" İstehsalat Birliyinin baş direktoru Beytulla Hüseynov məlumat verib.

B.Hüseynovun sözlərinə görə, digər kommersiya provayderlərinə qoşulmalarla birlikdə bu rəqəm 300-ə çatır.

"Bu temp saxlanılarsa, 2012-ci ilin ortalarına qədər genişzolaqlı qoşulmaların sayı paytaxtda 400 mini ötəcək. Hazırda Bakıda aktiv internet istifadəçilərinin sayı 130 min nəfərdir. Genişzolaqlı azad internet portlarının ümumi sayı isə 200 minə çatır", - o deyib.

"Bakı Telefon Rabitəsi" İstehsalat Birliyinin proqnozlarına görə, ilin sonuna qədər genişzolaqlı qoşulmaların sayı paytaxda 200 minə çatacaq.

B.Hüseynovun fikrincə, Dial up çıxış xidmətlərinə gəldikdə isə hazırda bu xidmət praktiki olaraq bir çox provayderlərin xidmətlər portfelindən çıxarılıb. Bu provayderlər artıq genişzolaqlı internet xidmətlərinin irəliləməsinə istiqamətləniblər.

"Genişzolaqlı qoşulmaların sayının artma səbəblərdən biri də bu xidmət növünün mövcud qiymətlərinin endirilməsidir".



Baxış sayı: 1463

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024