12px13px15px17px
Tarix:17/10/11

“Philips” şirkəti 4500 əməkdaşını işdən çıxardır

Hollandiyanın işıqlandırıcı avadanlıq, tibbi cihaz və məişət elektronikası istehsalçısı “Philips” şirkəti 4500 əməkdaşını işdən çıxarmaq haqqında bildirib. 1400 işçi Hollandiyada çıxarılacaq.

“Philips” şirkətinin bu addımı şirkət xərclərinin azalması üzrə tədbirlərin bir hissəsidir. Nəşrdə qeyd edilib ki, “Philips” şirkətinin gəlirləri üçüncü rübdə 368 milyon avroya qədər azalıb.

Məlumat üçün qeyd edək ki, 1 il əvvəl bu göstərici 647 milyon dollar olub. “Philips” şirkətinin gəliri 1,3% azalıb və 5,39 milyard avro təşkil edib.

“Philips” şirkətinin əsas icraçı direktoru Frans van Xoutenin sözlərinə əsasən, bu addım qaçılmazdır, çünki bu şirkətin və onun artan iqtisadi çətinliklərə qarşı davam gətirmək qabiliyyətinin bərpası üçün lazımdır.

“Philips” şirkətinin 2011-ci ilin sonuna kimi televizor istehsalını tamamilə dayandırmaq, həmçinin şirkət strukturunu sadələşdirmək niyyətində olduğu qeyd edilib.



Baxış sayı: 1136

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024