12px13px15px17px
Tarix:18/10/11

Göyçayda daha 9 poçt şöbəsi bank və maliyyə xidmətinə qoşulur

Hal-hazırda “Azərpoçt” MMC-nin 890 poçt şöbəsi bank və maliyyə xidmətləri göstərir. Bu barədə məlumat verən “Azərpoçt”MMC-nin Maliyyə xidmətləri marketinq şöbəsinin rəisi Yaşar Əhmədov bildirdi ki, yaxın günlərdə bu poçt şöbələrinin sayı bir qədər də artacaq.

Onun sözlərinə görə, Göyçay Regional Poçt filialının daha 9 poçt şöbəsinə Mərkəzi Bank tərəfindən bu xidməti göstərmək üçün lisenziya veriləcək.

Bu poçt şöbələrində vətəndaşlara lisenziya depozit qəbulu və kredit verilməsindən başqa digər bank xidmətləri təqdim olunacaq.”Poçt şöbələrində valyuta mübadiləsi məntəqəsinə böyük maraq var.

Xidmət sahəsi olduğundan burada digər xidmətlər də təklif olunur. Bundan başqa bu poçt şöbələrində vətəndaşlar “Western Union” xidmətinə də qoşulacaq ki, bu da poçt şöbələrinin statusunu bir qədər də artıracaq”- deyən Y.Əhmədov layihə üzrə 1200 poçt şöbəsinin bank və maliyyə xidmətlərinə qoşulacağını bildirdi.

Bank və maliyyə xidmətləri şəbəkəsini genişləndirməyi qarşıya hədəf seçən müəssisə bu layihəni həyata keçirməklə istənilən bankla rəqabət aparmaq və onu üstələməyi qarşıya məqsəd qoyub.



Baxış sayı: 999

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






24 Fevral 2020

23 02 2020