12px13px15px17px
Tarix:13/02/18

Bu il kiçik və orta biznesin İT xərcləri 600 milyard dolları ötəcək

“IDC” analitik şirkəti 2018-ci ildə kiçik və orta biznesin (SMB) informasiya texnologiyaları üçün xərclərinin təxminən 602 milyard dollar təşkil edəcəyini proqnozlaşdırır. Bu, 2017-ci ilin göstəricisindən 4,9 faiz çoxdur. Həmçinin ştat vahidi min nəfərə yaxın şirkətlərin 2016-2021-ci illərdə İT xərclərini orta hesabla 4,7 faiz artıracağı gözlənilir. Hesabat dövrünün sonunda “SMB” sektoru İT avadanlığı, proqram təminatı və servislərin alışına, o cümlədən biznes xidmətlərinə təqribən 684 milyard dollar investisiya yatıracaq.

“ICTnews” Elektron Xəbər Xidməti “DailyComm” resursuna istinadən yazır ki, növbəti beş ildə kiçik və orta biznes tərəfindən bütün İT xərclərinin üçdə iki hissəsindən çoxu əməkdaş sayı 100-999 nəfər olan şirkətlərin payına düşəcək. 2018-ci ildə ştatı 100-499 nəfər təşkil edən orta şirkətlər bu məqsədlərə 229 milyard dollar xərcləyəcək, 500-999 əməkdaşa malik nisbətən iri müəssisələr isə İT sahəsinə 182 milyard dollara yaxın vəsait yatıracaq. Artım tempinə gəldikdə, hesabat dövründə bütün yarımqruplarda ortaillik artım tempi (CAGR) göstəriciləri təxminən eyni olacaq. Belə ki, orta və daha böyük biznes illik xərcləri 4,8 və 4,6 faiz, kiçik biznes (ştatı 10-99 nəfərdən ibarət) isə 4,7 faiz artıracaq.

2018-ci ildə avadanlıq, proqram təminatı və İT xidmətlərinin biznesin ümumi informasiya texnologiyaları xərclərində payı 30 faiz təşkil edəcək, qalan vəsaitlər biznes xidmətlərinə xərclənəcək. Hazırda ən böyük xərclər mənbəyinin avadanlıqların olmasına baxmayaraq “IDC” proqnozlaşdırır ki, 2019-cu ildə birinci yeri proqram təminatı, 2021-ci ildə isə İT xidmətləri tutacaq. Proqram təminatı seqmentində ən yüksək – illik 7,5 faiz artım tempi gözlənilir. Biznes servisləri kateqoriyasında “CAGR” göstəriciləri nisbətən az - 6,6 faiz proqnozlaşdırılır.

Həmçinin proqnozda nəzərdə tutulur ki, 2018-ci ildə “SMB” sektoru fərdi kompüter, periferiya avadanlığı və mobil telefonlar daxil olmaqla qurğuların alışına təxminən 115 milyard dollar sərf edəcək. Daha 99 milyard dollar proqramlara xərclənəcək ki, bu vəsaitin əsas hissəsi də müəssisə resurs idarəetmə sistemlərinin (Enterprise Resource Management, ERM), kontentlə iş üçün əlavələrin və müştərilərlə münasibətlərin idarə edilməsi (Customer Relationship Management, CRM) sahəsində həllərin payına düşəcək. Eyni zamanda qrup şəklində olan iş üçün proqram təminatı (Collaborative Applications) üçün xərclər daha sürətlə - 12,2 faiz artacaq. Digər əhəmiyyətli xərc mənbəyi autsorsinq olacaq.

Coğrafi baxımdan İT sahəsinin inkişafına daha çox töhfəni ABŞ “SMB” sektorunun nümayəndələri verəcək: 2018-ci ildə ABŞ şirkətlərindən 186 milyard dollar daxil olacaq. İkinci yerdə Çin şirkətləri (56 milyard dollar) tutacaq. Sonrakı yerlərdə İT xərcləri müvafiq olaraq 37, 36 və 35 milyard dollar məbləğində Almaniya, Britaniya və Yaponiya biznesi qərarlaşıb.

Nizam Nuriyev 




Baxış sayı: 102

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






19 Fevral 2018

19/02/18
Ekzoplanetlərin axtarışı üçün yeni teleskop buraxılacaq

ABŞ Kosmik Agentliyi (NASA) apreldə ekzoplanetlərin axtarışı ilə məşğul olacaq

19/02/18
Yaponiyada bədənə yapışdırıla bilən elastik displey ixtira edilib

Tokio Universitetindən olan alimlər qrupu tərəfindən hazırlanmış 

19/02/18
Yapon alimi robot oxşarını yaradıb

Yaponiya alimi Hiroşi İşiquro onu ezamiyyə səfərləri zamanı mühazirələrdə əvəz edəcək robot oxşarını yaradıb

19/02/18
“Android” sistemi üçün “Gmail”in sadə versiyasını təqdim edilib

Google” şirkəti “Android” mobil əməliyyat sisteminin idarəetməsi altında işləyən qurğular üçün 

19/02/18
“Google” şirkəti “911” xidmətinə abunəçilərin yerini müəyyənləşdirməyə kömək edəcək

“Google” şirkəti “911” xilasetmə xidmətinə zəng edən insanların olduqları yeri müəyyənləşdirən yeni sistemi 

19/02/18
Smartfonları daha sürətli və daha “ağıllı” edəcək yeni çip yaradılıb

Massaçusets Texnologiya İnstitutunun alimləri tərəfindən neyron hesablamalar üçün yaradılmış yeni çip 

19/02/18
Britaniyada “3D” printerin köməyilə xəstənin döş qəfəsi bərpa edilib

Britaniyanın Suonsi şəhərində yerləşən Morrison xəstəxanasının həkimləri “3D” printerin köməyi ilə 

19/02/18
Süni intellekt ənənəvi metodlardan 17 dəfə çox zəlzələ aşkarlayıb

Harvard Universiteti və Massaçusets Texnologiya İnstitutunun tədqiqatçılar qrupu zəlzələlərin qeydə 

18 02 2018