12px13px15px17px
Tarix:20/02/18

“Windows” sistemində təhlükəli boşluq aşkar edilib

“Google”un proqramçıları “Project Zero” layihəsi çərçivəsində “Microsoft Edge” brauzerində boşluq aşkar ediblər.
 
“Windows 10 Creators Update” yeniləməsində zərərverici kodun yaddaşa  yüklənməsini nəzərdə tutan hücumlardan müdafiə üçün “Arbitrary Code Guard” (“ACG”) texnologiyası təqdim edilib. Sözügedən texnologiya yaddaşda yalnız müvafiq imzaya malik olan kodu göstərir. Ancaq mütəxəssislər tərəfindən aşkar edilmiş boşluq bu müdafiəni keçməyə imkan verir. Nəticədə hakerlər kompüterin yaddaşına zərərverici kod yükləyə bilərlər.
 
“ICTnews” Elektron Xəbər Xidməti “lenta.ru” saytına istinadən yazır ki, bu boşluq hələ 2017-ci ilin noyabrında aşkar edilib, ancaq “Project Zero” layihəsinin qaydalarına görə proqramçılara onu aradan qaldırmaq üçün 90 gün vaxt verilir. Həmin vaxt bitdikdən sonra problemin təsviri dərc edilir. “Microsoft”un nümayəndəsi etiraf edib ki, boşluğun aradan qaldırılmasına xeyli vaxt sərf edilib, buna görə yalnız 2018-ci ilin martında təhlükəsizlik paketi təqdim ediləcək.
 
“Microsoft Edge” – “Windows 10” əməliyyat sistemində standart brauzerdir, “Internet Explorer”i əvəz edib.
 
Emil Hüseynov





Baxış sayı: 331

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024