12px13px15px17px
Tarix:15/03/18

Ən son texnologiyalara əsaslanan İKT həllərinin ölkəmizdə tətbiqi üzrə yeni əməkdaşlıq

Azərbaycan Respublikası Nəqliyyat, Rabitə və Yüksək Texnologiyalar Nazirliyi (NYRTN) “Cisco” şirkəti ilə Anlaşma Memorandumu imzalayıb.  
 
İmzalanma mərasimində milli rəqəmli infrastrukturun yaradılması, kadr potensialının gücləndirilməsi, sosial-iqtisadi sahələrdə biznes innovasiyalarının tətbiqi məsələləri müzakirə olunub.
 
Əsas müzakirə mövzusu kimi seçilən hər üç strateji istiqamət ölkədə elektronlaşma prosesinin sürətləndirilməsinə, əhalinin bu sahədə biliklərinin artırılmasına, xərclərin azaldılması və yeni gəlir mənbələrinin yaradılmasına imkan verəcək.
 
Tərəflər arasında əldə olunan razılığa əsasən, şəbəkə avadanlıqları və kibertəhlükəsizlik sahəsində lider olan “Cisco” şirkətinin texniki imkanları vasitəsilə müasir, son texnologiyalara əsaslanan İKT həllərinin ölkəmizdə tətbiqi üzrə əməkdaşlıq ediləcək.
 
“Cisco” şirkəti Rəqəmsallaşma Prosesinin Sürətləndirilməsi Strategiyasını həyata keçirir ki, bu strategiya milli hökumətlər, sənaye və elmi təsisatlar üçün uzunmüddətli tərəfdaşlığı ehtiva edir.
 
Sözügedən strategiyaya uyğun olaraq, yeni nəsil poçt xidmətləri, intellektual nəqliyyat, kibertəhlükəsizlik, genişzolaqlı internet xidmətlərinin təkmilləşdirilməsi və qeyd olunan sahələrdə çalışan işçilərin bilik səviyyəsinin yüksəldilməsi üzrə birgə əməkdaşlıq ediləcək.    
 
Rəqəmsallaşma prosesinin sürətləndirilməsi isə ölkə iqtisadiyyatında ümumi daxili məhsulun (ÜDM) payının artmasına və yeni iş yerlərinin açılmasına imkan verir. Həmçinin, bu proses yeni texnologiyaların tətbiqinin genişlənməsi ilə dövlət və özəl sektorlarda çalışan işçilərin bilik səviyyəsinin yüksəlməsinə də şərait yaradır.      
 
Əməkdaşlıq çərçivəsində rəqəmli texnologiyalardan istifadənin daha da genişləndirilməsi və yeni İKT həllərinin tətbiqi məqsədilə birgə İşçi Qrupunun yaradılması da nəzərdə tutulub.   




Baxış sayı: 92

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






12 Dekabr 2018

11 12 2018

11/12/18
Dəfələrlə istifadə edilə bilən kağız icad olunub

Çin alimləri tərəfindən hazırlanmış xüsusi kağız 100 dəfə yenidən istifadə edilə bilər.

11/12/18
Azərbaycanın UNICEF-lə tərəfdaşlığının 25 illiyinə və uşaqlara həsr olunmuş xüsusi poçt markası nəşr edilib

Birləşmiş Millətlər Təşkilatının Uşaqlara Yardım Fondunun (UNICEF) Azərbaycan hökuməti ilə tərəfdaşlığının

11/12/18
Marsa uçuş kosmonavtların ömrünü 2,5 il azaldacaq

Marsa uçuş kosmik radiasiyanın təsiri nəticəsində kosmonavtların ömrünü təxminən 2,5 il azalda 

11/12/18
İnnovasiya müsabiqəsinin təşkilinə dair birgə anlaşma memorandumu imzalanıb

İqtisadiyyat Nazirliyinin və Birləşmiş Millətlər Təşkilatının (BMT) Azərbaycandakı Nümayəndəliyinin birgə təşkilatçılığı 

11/12/18
“Apple” şirkətinin 10 ən populyar smartfon və planşeti açıqlanıb

“AnTuTu” şirkəti bu ilin noyabrı üçün 10 ən populyar “Apple” qurğusunun reytinqini dərc edib.

11/12/18
“Google” öz sosial şəbəkəsini planlaşdırılandan daha əvvəl bağlayacaq

“Google” şirkəti “Google+” sosial şəbəkəsinin işini planlaşdırılandan daha əvvəl dayandırmalı olacaq. 

11/12/18
“Samsung Galaxy A8s” smartfonu təqdim olunub

Cənubi Koreyanın “Samsung” şirkəti “Galaxy A8s” smartfonunu təqdim edib. Bu, şirkətin yeni 

11/12/18
“Instagram”da səsli mesajların göndərilməsi funksiyası əlçatan olub

“Instagram” xidmətində səsli mesajlar funksiyası əlçatan olub. Bu haqda şirkət “Twitter” mikrobloqunda