12px13px15px17px
Tarix:27/03/18

5G smartfonlar bazarında sürətli inkişaf dövrü nə vaxt başlanacaq?

“Strategy Analytics” şirkəti beşinci nəsil (5G) mobil şəbəkəsini dəstəkləyən qlobal smartfonlar bazarının inkişafı ilə bağlı öz proqnozunu verib.
 
Gözlənildiyi kimi, ilk kommersiya tipli 5G aparatlar cari ilin sonunda və ya gələn ilin əvvəlində təqdim ediləcək. “Huawei” və “ZTE” şirkətləri belə qurğular layihələşdirirlər.
 
“ICTnews” Elektron Xəbər Xidməti igate.com.ua saytına istinadən yazır ki, amma “Strategy Analytics”in ekspertləri hesab edirlər ki, 5G dəstəkli smartfonlar bazarında yüksək inkişaf yalnız 2020-ci ildən sonra mümkün olacaq. Bu onunla izah edilir ki, ilk vaxtlar 5G şəbəkəsi az sayda abunəçi üçün əlçatan olacaq. Bundan başqa beşinci nəsil xidmətlərini dəstəkləyən aparatların seçimi məhdud, qiymətləri isə çox yüksək olacaq.
 
İlk vaxtlar 5G-smartfonlar Çin, Yaponiya, Cənubi Koreya və ABŞ-da təklif ediləcək. Bundan sonra başqa regionlarda da əlçatan olacaq.
 
Analitik şirkətin qiymətləndirməsinə görə, yeni nəsil aparatlar bazarının inkişafı təxminən 2021-ci ildə başlanacaq. O vaxt 5G-smartfonların satış həcmi "ağıllı" telefonların tədarük həcminin təxminən 5%-ni təşkil edəcək.
 
Emil Hüseynov





Baxış sayı: 108

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






26 May 2020

25 05 2020