TƏHLÜKƏSİZLİK

Tarix:27/03/18

İnternet təhdidləri sahəsində əsas trendlər bəlli olub

“DDoS” hücumlarına qarşı mübarizə və internet resurslarının əlçatanlığının təmini üzrə ixtisaslaşmış “Qrator Labs” şirkətinin yeni araşdırması veb-resursların əlçatanlığı və təhlükəsizliyi sahəsində əsas tendensiya və problemləri təsvir edir.

“ICTnews” Elektron Xəbər Xidməti “dailycomm.ru” saytına istinadən yazır ki, ekspertlərin sözlərinə görə, 2017-ci il şəbəkə və marşrutlaşdırma ili olub.

"2016 və 2017-ci illər arasında əsas fərq ondadır ki, hakerləri artıq müxtəlif qurğulara müdaxilə deyil, “bulud” və “əşyalar interneti”nə yönəlmiş hücumlar maraqlandırır” – “Qrator Labs” şirkətinin baş direktoru və qurucusu Aleksandr Lyamin deyib. - "Əşyalar interneti" hakerlərə minlərlə tamamilə işlək qurğuya eyni zamanda müdaxilə imkanı verir və çox vaxt belə hücumlar nəzərə çarpmır. Biz 2018-ci ildə “bulud” və platformalara qarşı belə hücumların tezliyinin artacağını düşünürük".

“Qrator Labs” şirkəti çoxlu sayda müdaxilə halları qeydə alıb və şirkətin nümayəndəsi bildirib ki, 2017-ci ildə müxtəlif növ avadanlığın müxtəlif növ kiberhücumlar qarşısında həssaslığı məlum olub. Gələcəkdə köhnə proqram təminatı və avadanlıqla bağlı daha çox insident gözlənilir.

Emil Hüseynov

Baxış sayı: 676