12px13px15px17px
Tarix:28/03/18

Kompüterlərin sürətləndirilməsi üçün yeni texnologiya hazırlanıb

İsrailin Yerusəlim Yəhudi Universitetinin alimləri kompüterlərin işləmə sürətini 100 dəfə artırmağa imkan verən texnologiya hazırlayıblar.  

“ICTnews” Elektron Xəbər Xidməti “Gazeta” resursuna istinadən yazır ki, texnologiya “MONOS” strukturu (metal-oksid-nitrid-oksid-silisium) üzərində nümayiş olunub.

Məlumata görə, “MONOS” strukturunun enerjini nazik silisium nitrid qatında saxlamağa imkan verməsi rezonans tezliyini dəyişir.

Bildirilir ki, hazırda foton qurğuları mikrosxemlər əsasında işləyir. Onlar mikrorezonatorlar adlanır. Lakin onların xüsusiyyətlərinin məhdud olması səbəbindən alimlər enerjidən asılı fləş-yaddaşı silisium foton sxemlərlə birləşdiriblər. Bunun sayəsində kompüterlərin işləmə sürətini 100 dəfə artırmaq üçün imkan yaranıb.

Yerusəlim Yəhudi Universitetinin tədqiqat qrupunun rəhbəri doktor Uriel Levi bildirib ki, ixtira məlumatların ötürülmə sürətini xeyli artıran yeni, daha güclü simsiz qurğular yaratmağa kömək edəcək. “Yüksək texnologiyalar dünyasında onlar böyük üstünlüyə malik olacaqlar”, - alim əlavə edib.

Nizam Nuriyev





Baxış sayı: 536

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024