12px13px15px17px
Tarix:16/04/18

“Opera VPN” proqramının fəaliyyəti dayandırılır

“Opera Software” şirkəti aprelin 30-dan etibarən “Opera VPN” əlavəsinin işini dayandıracaq. Bu barədə müvafiq məlumat şirkətin rəsmi saytında yerləşdirilib.
 
“ICTnews” Elektron Xəbər Xidməti “Lenta” resursuna istinadən yazır ki, məlumatda bildirilir: “Biz 30 aprel 2018-ci il tarixindən “iOS” və “Android” əməliyyat sistemləri üçün “Opera VPN” əlavəsinin fəaliyyətini dayandıracağıq. Lakin narahat olmağa dəyməz. İstifadəçilərin məxfiliyinin qorunması təmin ediləcək”. Qərarın səbəbləri barədə məlumat verilmir.
 
Məlumata görə, şirkət istifadəçilərə illik abunə üçün 80 faizlik güzəştlə “SurfEasy” servisinin xidmətlərindən istifadəni təklif edir. “Opera Gold” hesablarının istifadəçiləri birinci il ərzində servisdən pulsuz yararlana biləcəklər. Hazırda servisdən “Windows”, “macOS”, “iOS” və “Android” əməliyyat sistemlərinin idarəetməsi ilə işləyən qurğularda istifadə mümkündür.
 
Nizam Nuriyev





Baxış sayı: 30

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






24 Sentyabr 2018

23 09 2018