12px13px15px17px
Tarix:27/04/18

2015-ci ildən bəri ən uzunmüddətli “DDoS” hücumu qeydə alınıb

“Kasperski laboratoriyası” antivirus şirkəti 2015-ci ildən bəri ən uzunmüddətli “DDoS” hücumunu qeydə alıb.
 
“ICTnews” Elektron Xəbər Xidməti “Rambler” resursuna istinadən yazır ki, hücumun 12 gün davam etməsini bildirən şirkət birinci rübdə 79 ölkədə hücumlar qeydə alıb. Onların əksəriyyəti Çin, ABŞ və Cənubi Koreyada aşkarlanıb. Əsas tendensiyalar arasında isə həm çoxgünlük kampaniyaların bərpası, həm də gücləndirilmiş hücumların populyarlığının artması, eləcə də köhnə və yeni botnetlərin aktivliyi vurğulanır.
 
Lakin ekspertlərin fikrincə, bu fəaliyyət növünün populyarlığı uzun müddət çəkməyəcək. Belə kampaniyalar bilavasitə qurbanlarla yanaşı, təsadüfən keçirilən hücumlara cəlb edilən təşkilatlara şamil edilir. Ekspertlər hesab edir ki, bu fonda “DDoS” hücum təşkilatçıları digər gücləndirmə imkanları axtaracaqlar.
 
Onlardan biri xidmət kataloqlarına çıxış üçün istifadə olunan “LDAP” servisləri ola bilər. “Memcached”, “NTP” və “DNS” ilə yanaşı, bu servis yüksək gücləndirmə əmsalına malikdir. “LDAP” serverlərinin sayının az olmasına baxmayaraq bu hücum tipinin yaxın aylarda internetdə populyar olacağı gözlənilir.
 
Nizam Nuriyev





Baxış sayı: 507

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024