12px13px15px17px
Tarix:30/04/18

“Facebook” qurğusu elektron məktubları dəri vasitəsilə oxumağa imkan verəcək

“Facebook” şirkəti istifadəçilərə elektron məktubları və mətnli bildirişləri dəri vasitəsilə oxumağa imkan verən qurğu hazırlayıb. Yeni texnologiyanın smartfon aludəçiliyinin qarşısını alacağı, eləcə də eşitmə və görmə pozğunluğu olan insanlara kömək edəcəyi bildirilir.
 
“ICTnews” Elektron Xəbər Xidməti “Naukatv” resursuna istinadən yazır ki, yeni sistem insanlara telefonu cibdən çıxarmadan yazışmağa imkan verəcək. İstifadəçinin əlinə bərkidilən qurğu siqnalın işarə sisteminə transformasiyası üçün xüsusi ötürücülərdən istifadə edir. Siqnallar dəridə fonemləri (səsləri) kodlaşdıran vibrasiya kimi hiss olunur. Siqnallar sistemi Brayl şriftinin toxunma hissi səviyyəsini xatırladır. Bu, qurğunu bütün dillər üçün tətbiq etməyə və ondan istifadəni asanlıqla öyrənməyə imkan verir. Mütəxəssislərin sözlərinə görə, qurğunun sınaq iştirakçıları yarım saat təlimdən sonra 3 dəqiqəyə 4 fonem və 100 söz öyrənə biliblər.
 
Qurğunun prototipi “Facebook” nümayəndələri tərəfindən Kanadada keçirilən konfransda nümayiş olunub. Ekspertlər qeyd edib ki, smartfon istifadəçilərinin qurğuları gün ərzində orta hesabla 47 dəfə yoxlamasına görə qurğulardan asılılığın azaldılması üçün yeni üsulların kəşfinə ehtiyac duyulur.
 
Nizam Nuriyev





Baxış sayı: 597

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024