12px13px15px17px
Tarix:14/05/18

Startapçı zərərli qazları oksigenə çevirəcək

Startap hərəkatının genişləndirilməsinə və vətəndaşların innovativ ideyalarının reallaşdırılmasına dəstək məqsədilə Nəqliyyat, Rabitə və Yüksək Texnologiyalar Nazirliyinin Heydər Əliyev Fondunun "Regional İnkişaf" İctimai Birliyi ilə "İdeyadan biznesə" layihəsi çərçivəsində birgə keçirdiyi startap turları davam edir. Məlum olduğu kimi, ilk startap turu Mingəçevir şəhərində keçirilib.
 
Yüksək Texnologiyalar Parkının, İnformasiya Texnologiyalarının İnkişafı Dövlət Fondunun, "Microsoft" şirkətinin təşkilatçı, "Azercell" şirkəti və "Cavan" Gənclər Hərəkatı İctimai Birliyinin tərəfdaşı olduğu startap turu zamanı keçirilən müsabiqədə Mingəçevir şəhəri üzrə birinci yerin sahibi "Oxy Generator" layihəsi ilə Rəhman Cəfərli olub.
 
Startap turunun ilk qalibi hazırda Nəqliyyat, Rabitə və Yüksək Texnologiyalar Nazirliyinin Yüksək Texnologiyalar Parkının Biznes İnkubasiya Mərkəzində mütəxəssislərin köməyi ilə layihəsini təkmilləşdirir. O, qalib layihəsi ilə Bakıda keçiriləcək Milli Finala iştirak hüququ qazanıb. Bununla belə, qəhrəmanımız Milli Finalda da qalib gəlmək arzusundadır. Ümid edir ki, onun layihəsi biznes subyektinə çevrilməyi bacaracaq və  24-cü "Bakutel" Beynəlxalq Telekommunikasiya, İnnovasiya və Yüksək Texnologiyalar Sərgi-Konfransı çərçivəsində layihəsini böyük auditoriya qarşısında təqdim ediləcək. Bəs gəlin görək, birinciliyə layiq görülən "Oxy Generator" layihəsinin məqsədi nədir?
 
Layihə və müəllif haqda daha ətraflı məlumat əldə etmək üçün üz tutduq Yüksək Texnologiyalar Parkının Biznes İnkubasiya Mərkəzinə. Rəhman öz komanda yoldaşı ilə artıq iş başında idi. Qalibimiz deyir ki, Yüksək Texnologiyalar Parkının gülərüz və səmimi idarə heyəti, səliqəli və komfortlu iş otaqları onlara layihələrini daha tez bir zamanda inkişaf etdirməyə enerji verir.
 
"Hazırda layihə üzrə işlər ilkin mərhələdədir. Maket hazırlıqları üzərində çalışırıq. Bizə bu işdə "İdeyadan biznesə" startap turunun komandası kömək edir. Bizi qarşıda Milli Final gözləyir. Finalda birinci yer uğrunda mübarizəyə var gücümüzlə hazırlaşırıq" - deyə o qeyd edir.
 
"Oxy Generator" layihəsinin üzərində 3 il öncə çalışdığını bildirən həmsöhbətimiz Tayvanın Taypey şəhərində layihəsinin I yer tutduğunu da qeyd edib.
 
"Layihəmizin əsas məqsədi zavodlardan çıxan və ətraf mühiti çirkləndirən zərərli qazların zərərsizləşdirilərək, oksigenə çevrilməsini təmin etməkdir. Biz "Oxy Generator" layihəsi olaraq əvvəl ideya idik, sonra layihəyə çevrildik. İndi isə layihəmizi biznesə çevirmək istəyirik. Hədəfimiz gələcəkdə rəqibsiz şirkətə çevrilməkdir. Fürsətdən istifadə edib, ideyası olan bütün gənclərə səslənirəm ki, startap turları həqiqətən layihələrini həyata keçirmək üçün yaxşı şansdır. Qarşıdakı turlara siz də qoşulun və ideyanızı biznesə çevirin".
 
Qeyd edək ki, Rəhman Cəfərli Tibb Universitetində təhsil alıb. 40-dan çox beynəlxalq və yerli layihələrdə çalışıb.











Baxış sayı: 2777

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






17 Fevral 2020

17/02/20
Mürəkkəb yaraları sağaltmaq üçün “ağıllı” sarğı hazırlanıb

Konnektikut Universitetinin alimləri dərmanların birbaşa yaraya çatdırılması üçün simsiz işləyən

17/02/20
“Apple” növbəti nəsil “iPhone” smartfonlarını öz “5G” antena modulu ilə təchiz etmək niyyətindədir

Çoxsaylı şayiələrə görə, “Apple” cari ildə “Snapdragon X55” modemi əsasında işləyən və beşinci

17/02/20
Süni intellektə hərbi dronların idarə edilməsi öyrədiləcək

ABŞ-ın Buffalo Universitetinin tədqiqatçıları süni intellektə hərbi pilotsuz uçan aparatlar donanmasını i

17/02/20
“Chrome” brauzeri üçün 500-dən çox təhlükəli genişlənmə aşkar edilib

“Chrome” brauzeri üçün “Chrome Web Store”dən milyon dəfələrlə yüklənmiş 500-dən çox genişlə

17/02/20
Yeni bilərzik istifadəçinin ətrafındakı mikrofonların səsini batırır

Çikaqo Universitetinin alimləri istifadəçinin ətrafındakı mikrofonların səsini batıran yeni bilərzik

17/02/20
“Huawei” kommersiya sirlərinin oğurlanmasında ittiham edilir

ABŞ Ədliyyə Nazirliyi Çinin “Huawei” telekommunikasiya şirkətinə qarşı yeni ittihamlar irəli sürüb.

17/02/20
Yeni üztanıma sistemi 1 km-dək məsafəni dəstəkləyir

ABŞ Müdafiə Nazirliyinin sifarişi üzrə hazırlanmış yeni üztanıma sistemi 1 km-dək məsafəni dəstəkləyir

17/02/20
Britaniya “EuroHPC” layihəsini tərk edib

Böyük Britaniya müasir superkompüterlərin yaradılması üzrə “EuroHPC” Panavropa layihəsini tərk edib.

17/02/20
Lazerlər internetin sürətini min dəfə artıracaq

Lids və Nottingem universitetlərinin tədqiqatçıları teraherslik kvant kaskad lazerin idarə olunması sahəs

16 02 2020