12px13px15px17px
Tarix:17/06/11

Bütün poçt şöbələri kütləvi ödənişlər üzrə mərkəzləşdirilmiş informasiya sisteminə qoşulacaq

“Azərbaycanın bütün poçt şöbələrinin kütləvi ödənişlər üzrə mərkəzləşdirilmiş informasiya sisteminə(KOMİS) qoşulması üçün heç bir problem yoxdur”. Bu barədə ICTnews-ə açıqlama verən Mərkəzi Bankın idarə heyətinin müavini Alim Quliyev bildirib ki, Azərbaycan Mərkəzi Bankı (AMB) il ərzində KOMİS () sisteminə "Azərpoçt" poçt operatorunun 1600 bölməsinin hər birini qoşmağı planlaşdırır. Bunun üçün infrastrukturun qurulduğunu bildirən sədr müavini bu günə qədər sistemə poçt operatorunun 600-ə yaxın şöbəsinin qoşulduğunu və hər bir məntəqədə ödəniş etməyin mümkün olduğunu bildirib.
Qeyd edək ki, KOMİS sisteminə 37 Azərbaycan bankının maliyyə xidmətlərinin göstərilməsi üzrə 726 nöqtəsi qoşulub. Sistemə kommunal xidmətlər sahəsində fəaliyyət göstərən aparıcı təşkilatlar - "Bakıelektrikşəbəkə", "Azəriqaz" İB, "Azərsu", "Azərenerji", "Sumqayıtelektrikşəbəkə" daxildir.
Xatırladaq ki, KOMİS 2008-ci ildə Mərkəzi Bank tərəfindən “CheckFree i-Series” informasiya sisteminin bazasında yaradılıb.



Baxış sayı: 4682

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






02 Avqust 2015

01 08 2015