12px13px15px17px
Tarix:24/07/18

"Ağıllı şəhər" texnologiyasına qlobal investisiyalar iki dəfə artacaq

"IDC" analitik şirkəti "ağıllı şəhər" layihələrinin həyata keçirilməsi üçün qoyulan investisiyaların təxminən iki dəfə artımını proqnozlaşdırır. Gözləntilərə görə, 2018-ci ildə dünyada "ağıllı" şəhər infrastrukturunun yaradılması təşəbbüslərinə 81 milyarddan çox ABŞ dolları xərclənəcək, 2022-ci ildə bu məqsədlər üçün qlobal xərclər 158 milyard dollara yaxınlaşacaq.
 
"ICTnews" Elektron Xəbər Xidməti "dailycomm.ru" saytına istinadən yazır ki, coğrafi baxımdan Çin və Yaponiya daxil olmaqla Asiya-Sakit okean regionu "ağıllı şəhər" texnologiyalarının tətbiqinə ən böyük töhfə verəcək.
 
Əhəmiyyətinə görə Amerika ikinci, Avropa, Yaxın Şərq və Afrika (EMEA ölkələri) isə üçüncü region olacaq.
 
ABŞ "ağıllı şəhər" proqramlarına yatırımlar üzrə lider ölkə olacaq: 2018-ci ildə ABŞ müvafiq layihələrə 23 milyarddan çox dollar xərcləyəcək. Çin ikinci yeri tutacaq.
 
Meqapolislər arasında Sinqapur, Tokio, Nyu-York, London və Şanxay "ağıllı" şəhər infrastrukturunun tikintisinə daha çox investisiya qoyacaq.
 
Emil Hüseynov




Baxış sayı: 496

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024