12px13px15px17px
Tarix:27/07/18

İnformasiya Texnologiyalarının İnkişafı Dövlət Fondundan qrant alan 5 layihə

Nəqliyyat, Rabitə və Yüksək Texnologiyalar Nazirliyi innovativ layihələrə dəstək verməkdə davam edir.
 
Növbəti dəstək göstəriləcək layihələr "Sletti", "Ağıllı oyuncaqlar", "www.joinb2b.com", "Məktəbə hazıram" və "Virtual cərrahiyyə" startapları olub.

Məlumat verdiyimiz kimi, sözügedən layihələr Nəqliyyat, Rabitə və Yüksək Texnologiyalar Nazirliyinin yanında İnformasiya Texnologiyalarının İnkişafı Dövlət Fondunun elan etdiyi növbəti qrant müsabiqəsinin qalibləri elan edilib.
 
Müsabiqə qaliblərindən olan "Sletti" mobil tətbiqi tərcüməçi ilə dinləyici arasında rəqəmli əlaqə yaradır, bütün tərcümə prosesini rəqəmli şəkildə sinxron olaraq təmin edir.
 
Layihə 2 istiqamətdə - "Tədbirlər üçün tərcümə" və "Fərdi tərcümə" funksionallığını özündə cəmləyir. Tətbiqdə tərcümə olunmuş səsi yadda saxlamaq, önəmli anları işarələmək, tərcümə zamanı şərh yazmaq və tərcüməçini qiymətləndirmək imkanları mövcuddur.
 
 "Ağıllı oyuncaqlar" layihəsinin isə əsas məqsədi uşaqların əylənərək öyrənmə və ana dilinin təkmilləşdirilməsinə şərait yaratmaqdan ibarətdir.
 
Sistem oyuncaq daxilindəki kontrollerdən, mobil telefonlar üçün tətbiqdən və back-end serverdən ibarətdir. Oyuncaq  üzərində olan düymə vasitəsilə oyuncaq daxilində "bluetooth"u yandırmaq və mobil telefon ilə əlaqə yaratmaq lazımdır. Mobil tətbiq back-end serverə qoşularaq burada mövcud nağılların siyahısını, informasiyaları və s. götürür. Valideyn siyahıdan istədiyi məlumatı götürdüyü zaman həmin məlumat avtomatik olaraq oyuncağın yaddaşına yazılır. Hazır məlumatlardan başqa, valideyn həmçinin, istədiyi məlumatın oyuncaqda səsləndirilməsini təşkil edə bilər.
 
Kommersiya şirkətlərinin biznes şəbəkəsi olan "www.joinb2b.com" biznes tərəfdaşları tapmaq baxımından  faydalı hesab olunur.
 
"www.joinb2b.com" şəbəkəsi ona qoşulmuş şirkətləri onların tələblərinə uyğun gələn şirkətlərlə birbaşa və vasitəçisiz əlaqələndirmək funksiyasını yerinə yetirəcək.
 
 Bu platforma kommersiya şirkətlərinə yerləşdiyi və hədəf ölkəni, şəhəri, fəaliyyət sahəsini, eləcə də B2B məqsədlərini seçərək istədiyi şirkətləri tapmaq imkanı yaradır.

"www.joinb2b.com"  şirkətlərlə yanaşı xidmət, məhsul və tenderləri tapmaq imkanları ilə istifadəçilərin işini asanlaşdırır.
 
 "Məktəbə hazıram" layihəsi məktəbə hazırlıq, yəni 3-6 yaş qrupuna aid olan uşaqların zehni inkişafını sürətləndirmək, onların əylənərək öyrənməsini, məktəbə tam hazır şəkildə yetişməsini və texnoloji avadanlıqlardan daha səmərəli istifadəsini təmin etmək məqsədi daşıyır.
 
Bu layihə çərçivəsində hazırlanmış məhsulun tərkibində olan öyrədici oyunlar rəqəmləri, ilkin riyazi hesablamaları, fiqurları, Azərbaycan dili əlifbasının öyrənilməsini və rəngləmə kimi bir çox xüsusiyyətləri uşaqlara fərqli dizaynda əyləncəli və cəlbedici şəkildə çatdıracaq.
  
Qalib layihələrdən olan "Virtual cərrahiyyə" müasir texnologiyaların tətbiqi ilə daha dəqiq və effektiv cərrahi əməliyyat modelinin hazırlanmasına xidmət edir.
 
Belə ki, KT (kompüter tomoqrafiyası) və ya MRT (maqnit rezonans tomoqrafiyası) müayinələrinin 3D formatı və cərrahi əməliyyatın virtual planlaşdırma sxemi xüsusi holoqrafik cihaza ötürülür. Bundan sonra cərrah artırılmış reallıq eynəyi  taxaraq onun kompüterində olan məlumatı xüsusi proqram təminatı ilə əməliyyat sahəsinə yerləşdirir. Beləliklə, cərrah əməliyyat sahəsinin real görüntüləri ilə yanaşı, gözə görünməyən anatomik strukturların 3D formatda radioloji görüntüsünü əldə edir.










Baxış sayı: 182

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






21 Fevral 2020

20 02 2020

20/02/20
Kibertəhlükəsizlik mütəxəssisləri üçün beynəlxalq seminar və təlimlərə qeydiyyat başlayıb

Cari ilin 02-06 mart tarixlərində ölkəmizdə təşkil olunacaq II Beynəlxalq “Kibertəhlükəsizlik həftəsi” çə

20/02/20
“Sony” ucuz smartfonunu təqdim edib

“Sony” şirkəti ucuz “Xperia L4” smartfonunu təqdim edib.

20/02/20
"Copypaste" konsepsiyasının ixtiraçısı dünyasını dəyişib

İnterfeys və proqramlarda "kəsmək", "kopyalamaq" və "yerləşdirmək" (cut, copy, paste) kimi funksiyaların

20/02/20
“Qualcomm” smartfonlar üçün dünyada ilk 5 nanometrlik “5G” modemi təqdim edib

“Qualcomm” şirkəti üçüncü nəsil “5G” modemini (“Snapdragon X60”) təqdim edib. Bu, həm

20/02/20
Çində smartfonlara tələbat kəskin azalıb

Çində koronavirusa görə smartfonların satışı kəskin azalıb. Xəstəliyin yayılması əksər satış nöqtələrinin

20/02/20
Çin 4 eksperimental peykini uğurla orbitə çıxarıb

Çin 4 eksperimental peykini uğurla orbitə çıxarıb. Bu barədə Çinin Aerokosmik Elm və Texnika korporasiyas

20/02/20
Cənubi Koreyada ilk “Google” “bulud” regionu istifadəyə verilib

“Google” şirkəti Seulda “bulud” regionunu istifadəyə verib. Bu, şirkətin Cənubi Koreya bazarı üçün ilk,

20/02/20
Avropa Komissiyası yeni rəqəmli strategiya təklif edib

Avropa Komissiyası rəqəmli məlumatların istifadəsi və idarə olunma prinsiplərini özündə birləşdirəcək rəq

20/02/20
“Crew Dragon” raketi kosmik turistlərin orbital uçuşları üçün istifadə ediləcək (VİDEO)

Kosmik turistlərin uçuşunun təşkili ilə məşğul olan ABŞ-ın “Space Adventures” şirkəti “SpaceX” korporasiy

20/02/20
Mobil qurğular beyində dəyişikliklər yaradır

Alimlər smartfon asılılığı olan insanların beyninin forma və ölçüsündə dəyişikliklər aşkarlayıblar. Belə