12px13px15px17px
Tarix:10/08/18

Qrafen örtüklü ilk təyyarə nümayiş edilib

Mərkəzi Lankaşir Universitetinin (UCLan) mühəndisləri “Farnborough” aviasalonunda yeni pilotsuz uçan aparat təqdim ediblər.
 
“ICTnews” Elektron Xəbər Xidməti “Popmech www.popmech.ru” resursuna istinadən yazır ki, onların sözlərinə görə, bu, qrafen örtüklü dünyanın ilk təyyarəsidir.
 
Eni 3,5 metr təşkil edən aparat “Juno” adlanır: onun füzelyajı qrafenlə örtülüb. Bundan başqa, təyyarə qrafen batareyalarla təchiz edilib və üçölçülü printerdə çap edilən detallara malikdir.
 
Möhkəm material olan qrafen füzelyajın digər materiallarına davamlılıq əlavə etməyə imkan verir. Beləliklə, digər materialların az istifadə olunması aparatın kütləsini azaltmağa kömək edir. Bundan əlavə, qrafenin istilikkeçirmə qabiliyyəti sayəsində füzelyaj daha az buz bağlayacaq, materialın elektrik ötürücülüyü isə ildırım düşməsi zamanı zərbənin enerjisini füzelyajın bütün səthi boyunca yaymağa imkan verəcək.  
 
Yaxın iki ay ərzində mütəxəssislər tərəfindən aparatın ilk uçuşlarının və növbəti testlərinin keçirilməsi planlaşdırılır.
 
Qeyd edək ki, qrafen poladdan möhkəm materialdır və çox nazik olduğuna görə ikiölçülü hesab edilir. Qrafen torunun qalınlığı bir atom təşkil edir ki, bu da kağızdan bir milyon dəfə nazikdir. 2004-cü ildə kəşf edilən qrafen kimyəvi əlaqələrlə birləşdirilmiş birqatlı karbon atomlarından ibarət yüksək elektrikötürmə, davamlılıq və elastiklik kimi xüsusiyyətlərə malik nanomaterialdır. Bir neçə nanometrlik qalınlığa malik materialın görünən işıq üçün şəffaf olması onun mikroelektronika qurğularında tətbiqinə böyük perspektivlər vəd edir.
 
Nizam Nuriyev




Baxış sayı: 445

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






16 Dekabr 2018

15 12 2018

15/12/18
“Facebook”da təxminən 7 milyon istifadəçinin şəkli açıq girişdə əlçatan olub

“Facebook”un rəhbərliyi bildirib ki, 6,8 milyon istifadəçinin şəxsi şəkli məxfilik 

15/12/18
Kiçik bağlamaların çatdırılması üçün “Serve” adlı robot-kuryer təqdim edilib

ABŞ-ın “Postmates” loqistika operatoru çəkisi 22 kq-dək olan bağlamaları 48 km-dək daşıya biləcək

15/12/18
Smartfondan idarə olunan “ağıllı” həb hazırlanıb

Massaçusets Texnologiya İnstitutu, Dreyper Universiteti və Briqama Qadın xəstəxanasından olan alimlər heyəti