12px13px15px17px
Tarix:12/10/18

“İdeyadan Biznesə” startap turunun Naxçıvan şəhəri üzrə qalibləri seçilib

Bu gün Naxçıvan şəhərində "İdeyadan Biznesə" layihəsi çərçivəsində cari il üzrə sonuncu startap turu keçirilib.

 

Naxçıvan Dövlət Universitetində baş tutan tədbirdə 150-dək tələbə iştirak  edib.

 

Tədbirdə Naxçıvan Muxtar Respublikasının rabitə və yeni texnologiyalar naziri Rövşən Məmmədov, Naxçıvan Dövlət Universitetinin rektoru Saleh Məhərrəmov, universitetin tələbə-müəllim heyəti və media nümayəndələri iştirak edib.

 

Tədbirdə məlumat verilib ki, startap hərəkatının genişləndirilməsinə, vətəndaşların innovativ ideyalarının reallaşdırılmasına dəstək məqsədilə startap turları Mingəçevir, Lənkəran, Quba, Sumqayıt, Şəki, Gəncə və Bakı şəhərlərində keçirilib. Sözügedən şəhərlərin hər birinə səfərlər təşkil olunub, informativ sessiya, interaktiv təqdimatlar, müxtəlif mövzuları əhatə edən təlimlər, müsabiqələr keçirilib və qaliblər müəyyənləşib.

 

Bildirilib ki, startap turları regionlarda fəaliyyət göstərən gənclərə biznes layihələrinin hazırlanması, müzakirəsi və təqdimatı, eləcə də mentorların dəstəyi ilə startap komandalarının, eləcə də ideyaların formalaşdırılması üçün geniş imkanlar yaradıb.

 

Naxçıvan Dövlət Universitetinin nümayəndəsi  Əşrəf Ələkbərov  bildirib ki, Naxçıvan Dövlət Universitetində "Elektron təhsil şəbəkəsi və rəqəmsal multimedia infrastrukturunun yaradılması" layihəsi çərçivəsində elektron təhsil, onlayn sənəd dövriyyəsi, akademik idarəetmə və s. kimi təhsilin idarəedilməsi modellərini özündə birləşdirən Elektron Universitet formalaşdırılıb.

 

O qeyd edib ki, 2014-cü ildə Azərbaycandan Kənarda Təhsil Almış Mütəxəssislər təşkilatı tərəfindən "Azərbaycanda ali məktəblərin reytinqinin müəyyən edilməsi" layihəsi üzrə Naxçıvan Dövlət Universiteti Azərbaycan ali təhsil müəssisələri içərisində birinci yerə layiq görülüb. 

 

Daha sonra çıxış edən nəqliyyat, rabitə və yüksək texnologiyalar nazirinin müşaviri Tahir Məmmədov innovasiyalar, informasiya-kommunikasiya texnologiyaları (İKT) sahəsində ölkəmizdə aparılan dövlət siyasətindən, bu sahəyə cavabdeh qurum kimi Nəqliyyat, Rabitə və Yüksək Texnologiyalar Nazirliyinin sektorun inkişafı istiqamətində həyata keçirdiyi layihələrdən danışıb. O, bilik tutumlu iqtisadiyyatın formalaşdırılmasında İKT sektorunun xüsusi rolu olduğunu qeyd edib. Nazirin müşaviri sahənin, eləcə də, startap hərəkatının inkişafı üçün ölkəmizdə zəruri ekosistemin formalaşdırıldığını vurğulayıb. O, artıq respublikamızın bir neçə ali təhsil müəssisəsində İnkubasiya mərkəzlərinin yaradıldığını və növbəti İnkubasiya Mərkəzinin Naxçıvan Dövlət Universitetinin nəzdində yaradıla biləcəyini diqqətə çatdırıb.

 

Nəqliyyat, Rabitə və Yüksək Texnologiyalar Nazirliyi yanında İnformasiya Texnologiyalarının İnkişafı Dövlət Fondunun nümayəndəsi Əkbər Abbasov Fondun fəaliyyəti barədə təqdimatla çıxış edib. O bildirib ki, İnformasiya Texnologiyalarının İnkişafı Dövlət Fondu oktyabr ayında növbəti qrant müsabiqəsi elan edəcək. Ə.Abbasov innovativ ideyası olan startap layihələrinin bu qrant müsabiqəsinə müraciət edə biləcəyini qeyd edib.

 

Tədbirin interaktiv hissəsində Yüksək Texnologiyalar Parkının, İnformasiya Texnologiyalarının İnkişafı Dövlət Fondunun, Birləşmiş Millətlər Təşkilatının İnkişaf Proqramı və "Sentra" MMC-nin nümayəndələri tərəfindən iştirakçılar üçün startap komandalarının formalaşması, layihə təqdimatının düzgün hazırlanması, investorlara layihənin satışı yolları, bazarın araşdırılması kimi məsələləri əhatə edən təlim keçirilib.

 

İnteraktiv hissədən sonra ideyası olan iştirakçılardan ibarət 9 komanda formalaşdırılıb və komandalar peşəkar mentorlar tərəfindən müsabiqəyə hazırlanıb.

 

Müsabiqədə komandalar öz ideyalarını münsiflər heyəti qarşısında təqdim ediblər. Komanda rəhbərlərinin təqdimatlarından sonra sual-cavab və layihənin müzakirəsi baş tutub.

 

Mütəxəssislərdən ibarət münsiflər Naxçıvan şəhəri üzrə  ilk üç yerin qalibini müəyyənləşdiriblər. Müsabiqədə I, II və III yerlərə müvafiq olaraq "Noahland",  "Nads",  "Nakh Book House" layihələri layiq görülüb.

 

Beləliklə, tədbirin yekununda qaliblər mükafatlandırılaraq, Bakıda ilk dəfə olaraq 26-30 oktyabr tarixlərində təşkil ediləcək "İnnovasiyalar həftəsi" çərçivəsində Milli Finala dəvət olunublar. Qeyd edək ki, Milli Final 26 oktyabrda Heydər Əliyev Mərkəzində keçiriləcək.

 

Milli Finalda qalib gələcək layihə sahibləri isə 4-7 dekabr tarixlərində təşkil ediləcək  24-cü "Bakutel" Beynəlxalq Telekommunikasiya, İnnovasiya və Yüksək Texnologiyalar sərgi-konfransı çərçivəsində layihələrini təqdim etmək imkanı əldə edəcəklər.

 

Bununla da "İdeyadan Biznesə" startap turunun qaliblərinin sayı 24 olub. Ümumilikdə startap turlarına 1000-dən çox iştirakçı qatılıb.

 

Xatırladaq ki, Mingəçevir, Lənkəran, Quba, Sumqayıt, Şəki, Gəncə və son olaraq Naxçıvan şəhəri üzrə  ən uğurlu startap layihələri müəyyənləşib.

 

Qalib gələn layihələr mentor xidmətləri, investisiyaların cəlb olunması, o cümlədən uğurlu startapların xaricə göndərilməsi və beynəlxalq tədbirlərə cəlb olunması imkanları ilə təmin oluna bilər.

 

Xatırladaq ki, Nəqliyyat, Rabitə və Yüksək Texnologiyalar Nazirliyi, Heydər Əliyev Fondunun "Regional İnkişaf" İctimai Birliyi, Azərbaycan Gənclər Fondu, Birləşmiş Millətlər Təşkilatının İnkişaf Proqramı və "Microsoft" şirkəti ilə birgə həyata keçirilən  "İdeyadan Biznesə" layihəsinin tərəfdaşı "Azercell" şirkətidir. Layihənin növbəti illərdə də davam etdirilməsi nəzərdə tutulub.



















































Baxış sayı: 1633

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






17 Avqust 2019

17/08/19
“NVIDIA” və “AutoX” şirkətləri Avropa bazarı üçün avtomatlaşdırılmış taksi hazırlayacaq

2020-ci ilin sonunadək “NVIDIA” qrafik prosessorlar istehsalçısı “AutoX” və “NEVS” şirkətləri ilə 

17/08/19
“iPhone” smartfonunda yeni təhlükəli boşluq aşkar edilib

Hakerlər "Kontaktlar" proqramının köməyi ilə “iPhone” qurğusuna müdaxilə etməyə 

17/08/19
Dəriyə bərkidilən yeni datçiklər istifadəçinin sağlamlıq vəziyyətini izləyir

Stenford Universitetinin mühəndisləri plastır kimi dəriyə yapışan datçiklərin 

16 08 2019

16/08/19
Yeni “iPhone” smartfonunun təqdimat tarixi və vaxtı məlum olub

“Apple” korporasiyası avqustun 15-də çıxarılmış “iOS 13” versiyasının 7-ci beta-versiyasının kodunda yeni

16/08/19
Operativ yaddaşın satışında azalma qeydə alınıb

“DRAMeXchange” şirkəti 2019-cu ilin ikinci rübündə dünya operativ yaddaş çipləri bazarının həcminin 14,84

16/08/19
“Windows” sisteminin idarəetməsi altında işləyən istənilən kompüterə müdaxilə üsulu tapılıb

“Windows” sisteminin terminal xidmətlərində cinayətkarlara qurbanın kompüterinə tam müdaxiləyə imkan verə

16/08/19
“Huawei” şirkəti “6G” şəbəkəsi üçün avadanlığın istehsalına başlayıb

“Huawei” şirkəti “6G” standartı üçün şəbəkə həlləri hazırlamağa başlayıb.

16/08/19
MHM-in əməkdaşı bilyard üzrə dünya ikincisi oldu

Nəqliyyat, Rabitə və Yüksək Texnologiyalar Nazirliyinin Məlumat Hesablama Mərkəzinin əməkdaşı Seymur Məmm

16/08/19
“5G” şəbəkəsini dəstəkləyən qurğuların sayı açıqlanıb

Beynəlxalq Mobil Həll Tədarükçüləri Assosiasiyası (Global Mobile Suppliers Association – GSA) qlobal baza

16/08/19
“Instagram” istifadəçilərə şübhəli məzmun haqqında məlumat verməyə imkan verəcək

“Instagram” sosial şəbəkəsi tərəfindən təqdim ediləcək yeni funksiya istifadəçilərə şübhəli məzmun haqqın

16/08/19
Dünyada elektron kağız üçün ilk printer təqdim olunub

“E Ink Holdings” şirkəti rəqəmli displeylərdə çoxdəfəli çap üçün “JustPrintIt” texnologiyasını

16/08/19
İlin ən yaxşı smartfonu məlum olub

Audio və videotexnika üzrə Avropa Jurnallar Assosiasiyası (European Imaging and Sound Association, EISA)