12px13px15px17px
Tarix:06/11/18

Məlumat Hesablama Mərkəzinin nümayəndələri “İSSE-2018” konfransında iştirak edir

Belçikanın paytaxtı Brüssel şəhərində "İSSE-2018" konfransı öz işinə başlayıb. 6-7 noyabr tarixlərində keçirilən konfransda ölkəmizi Nəqliyyat, Rabitə və Yüksək Texnologiyalar Nazirliyinin Məlumat Hesablama Mərkəzinin (MHM) direktoru Elnar Əsədov və Milli Sertifikatlar Xidməti Mərkəzinin rəhbəri Arif Mailov təmsil edirlər.

Açılış nitqi ilə e-İdentifikasiya və Təhlükəsizlik üzrə Avropa Assosiasiyasının başçısı Con Şamah qonaqları salamlayıb. Daha sonra "Microsoft" şirkətinin Bulud İdentifikasiyası və Məxfi Xidmətlər üzrə direktoru Ronni Bicons, "İBM" şirkətinin Müəssisə Təhlükəsizliyi arxitektoru Kristian  Peters, "Microsoft" şirkətinin İdentifikasiya üzrə baş arxitektoru Kim Kemeron  və digərləri müxtəlif mövzularda çıxışlar edib.

Tədbirdə panellər üzrə müxtəlif mövzular müzakirə olunur: "Bank sektorunda rəqəmsal transformasiya", "FutureTrust" layihəsi çərçivəsində gələcək pilot layihələr, "Rəqəmsal transformasiyanın təhlükəsizliyə təsiri", "Məlumatların mühafizəsi və məxfilik", "Qanunvericilik sahəsində çətinliklər və həllər", "eİD və rəqəmsal sertifikatlar", "Süni intellekt səmərəli transformasiyaya necə təsir göstərir?", "2019-cu il və gələcək üçün kibertəhlükəsizlik çağırışları" və s.

Panellər üzrə müzakirələrdən sonra "dəyirmi masa"lar keçirilir.

Avropa Etibar Fondu, "FutureTrust", "Lightest", "FutureİD" kimi qlobal miqyaslı layihələrin rəhbərləri və iştirakçıları öz təcrübə və biliklərini konfransda iştirak edən qonaqlarla bölüşür.

Qeyd edək ki, Məlumat Hesablama Mərkəzi "FutureTrust" layihəsinin assosiativ tərəfdaşıdır. Həmçinin "Lightest" layihəsinin mütəxəssislərilə etibarlı tranzaksiyaların icrası ilə bağlı geniş əməkdaşlıq aparır.

Bu ilin may ayından etibarən Məlumat Hesablama Mərkəzi "Lightest" layihəsinin Məsləhət şurasında təmsil olunur. "Lightest" layihəsi elektron tranzaksiyalar zamanı saxta kimlikləri müəyyən etməyə kömək edən həlli təmin edir. Bu həll müxtəlif tətbiqlərin istifadə olunduğu platformalarda elektron imzanın təsdiqindən tutmuş, Elektron Satınalma, Elektron Ədliyyə, Elektron Səhiyyə və hüquqi sahələrdə "Əşyalar İnterneti" üzrə alətlərin, sensorların təsdiqinin etibarlığına zəmanət verir.

MHM-in konfransda iştirakdan əsas gözləntiləri elektron imzanın transsərhəd tanınmasını reallaşdıracaq infrastrukturun qurulmasını tezləşdirməkdir. Həmçinin elektron imzanın tətbiqi ilə daha səmərəli və etibarlı sosial xidmətlərin yaradılması üçün fikir mübadiləsi aparmaq, bu sahədə mövcud qlobal vəziyyətin araşdırılmasıdır.

Azərbaycan nümayəndə heyətinin bu konfransda iştirakı ölkəmizdə rəqəmsal inkişafa dəstək göstərəcək, Avropa ölkələri ilə bu istiqamətdə əməkdaşlığın möhkəmlənməsinə, təcrübə mübadiləsinə şərait yaradacaq.

Onu da qeyd edək ki, konfrans ənənəvi olaraq 1999-cu ildən təşkil olunur. Konfransda informasiya təhlükəsizliyi sahəsində ən son yeniliklər, yaranan təhdidlər və əsas problemlər barədə ekspert məsləhətləri dinlənilir, ixtisaslaşmış istehsalçılar tərəfindən son həllərin praktiki nümayişi təqdim olunur. Konfransda iştirak Avropanın təhlükəsizlik mütəxəssisləri və aparıcı sənaye təchizatçıları ilə əməkdaşlıq qurmaq imkanı və s. yaradır.










 





Baxış sayı: 438

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






24 Yanvar 2019

23 01 2019

23/01/19
Rabitə işçilərinin Respublika Spartakiadasında kəndirdartma üzrə yarışın qalibi məlum olub

Nəqliyyat, Rabitə və Yüksək Texnologiyalar Nazirliyinin dəstəyi,  Rabitə İşçiləri Müstəqil Həmkarlar 

23/01/19
“Xiaomi” şirkətinin prezidenti ilk bükülən smartfon nümayiş etdirib

Çinin “Xiaomi” şirkətinin prezidenti Lin Bin yanvarın 23-də “Weibo” sosial şəbəkəsindəki səhifəsində 

23/01/19
Kripto cüzdanlara müdaxilə edən yeni virus aşkar edilib

"Doktor Veb" şirkətinin mütəxəssisləri tərəfindən kriptovalyuta cüzdanlarından parolları oğurlayan kompüter 

23/01/19
“Google Play” mağazasında saxta “GPS” mobil proqramlar aşkarlanıb

“Eset” antivirus şirkəti “Google Play” mağazasında 50 milyon dəfədən çox yüklənilən 15-ə yaxın 

23/01/19
Yeni “Samsung” smartfonlarına oyunları sürətləndirən texnologiya tətbiq ediləcək

Avropada Cənubi Koreyanın “Samsung” şirkətinin “Neuro Game Booster” adlı texnologiya üçün 

23/01/19
“Apple” 2020-ci ildə LCD displeylərindən imtina edəcək

“Apple” korporasiyası 2020-ci ildən etibarən smartfonlarda LCD (maye kristal) ekranların tətbiqindən 

23/01/19
“iPhone” smartfonu əsasında noutbuk yaradılacaq

“Apple” şirkəti “iPhone” smartfon modeli əsasında noutbukun yaradılması üsulunu təsvir edən 

23/01/19
“Android” sisteminin idarəetməsi altında işləyən ən yüksək məhsuldarlıqlı smartfon məlum olub

“Lenovo Z5 Pro GT” cihazı “Android” sisteminin idarəetməsi altında işləyən ən yüksək məhsuldarlıqlı 

23/01/19
“WhatsApp”ın fəaliyyətində qlobal nasazlıq yaranıb

“WhatsApp” messencerinin istifadəçiləri nasazlıqla üzləşiblər. ICTnews” Elektron Xəbər Xidməti