12px13px15px17px
Tarix:15/01/19

Çin zondu Ayda bioloji eksperiment aparıb

Çinin bir neçə gün əvvəl Ayın əks tərəfinə eniş edən “Çane-4” kosmik aparatı bəşəriyyət tarixində Ay səthində ilk bioloji eksperimenti uğurla həyata keçirib. Bu barədə Çin Mərkəzi Televiziyası məlumat verib.

“ICTnews” Elektron Xəbər Xidməti “RİA Novosti” resursuna istinadən yazır ki, aparat çərşənbə axşamı bioloji sınaq fotoşəkillərini Yerə göndərib.

Fotoşəkillərə görə, artıq pambıq toxumaları cücərməyə başlayıb. Bu isə o deməkdir ki, “Çane-4” bəşəriyyət tarixində Ay səthində ilk bioloji eksperiment keçirib.

Eksperiment üçün pambıq, raps, kartof, “Arabidopsis thaliana” daxil olmaqla altı növ bioloji nümunə, eləcə də drozofil və maya seçilib.

Aparatdan alınan son fotoşəkillərdən məlum olub ki, pambıq toxumlarının cücərtiləri yaxşı böyüyür.

Qeyd edilir ki, bu, ətraf mühitin aşağı qravitasiya, güclü radiasiya və böyük temperatur fərqi kimi sərt sınaqlarından sonra Ayda bitən ilk zoğdur.

Nizam Nuriyev





Baxış sayı: 426

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024