12px13px15px17px
Tarix:11/11/11

Azərbaycanın İT şirkəti kommunal ödənişlər üçün mobil həll təqdim edəcək

Azərbaycanın İT şirkəti APUS (Automated Payment Utility Service) mərkəzləşdirilmiş ödəniş sistemində kommunal və digər ödənişlərin mobil telefonlar vasitəsilə həyata keçirilməsinə imkan verən əlavə modulun tətbiqi üzrə işlər görür.

Bu barədə "SİNAM" şirkətinin prezidenti Elçin Əliyev məlumat verib. Əliyevin sözlərinə görə, bu istiqamətdə işlər aparılır, modulun işə salınması ilə bağlı yubanma ona yeni ödəniş növlərinin, o cümlədən yol hərəkəti qaydalarının pozulması üzrə cərimələrin ödənilməsinin əlavə edilməsi ilə əlaqədardır.

APUS sistemi Azərbaycan Mərkəzi Bankının klirinq sistemi ilə sıx birləşdirilib və SMA şirkətinin BCS/X pərakəndə ödənişlərinin hesablama-klirinq sisteminə əsaslanır. Sistem "Azərpoct" poçt operatoru və bütün bank şöbələrində kommunal, telefon və digər borcların ödənilməsinə imkan verir. Ödənişlərin qəbulu internet şəbəkəsi və sistemə qoşulmuş bankomatlar vasitəsilə də həyata keçirilir.

APUS sisteminin əsas vəzifəsi kommunal xidmət istehlakçılarının onların borcları barədə məlumatlandırılması, eləcə də ödənişlərin müxtəlif və asan ödəniş mexanizmlərindən istifadə etməklə həyata keçirilməsidir.



Baxış sayı: 1234

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024