12px13px15px17px
Tarix:16/04/19

“Chrome” brauzerinin bazar payı 70%-dən aşağı düşüb

Fərdi kompüterlər üçün qlobal brauzer bazarında “Chrome”un bazar payı 70%-dən aşağı düşüb. 3 milyon saytda veb səhifələrə 15 milyarddan çox baxışı araşdıran “StatCounter” xidmətinin məlumatları buna sübutdur.

 

2019-cu ilin mart ayının yekununa görə, “Chrome” brauzeri internetə çıxış üçün istifadə edilən masaüstü kompüter və noutbukların 69.2%-də quraşdırılıb. Məlumat üçün bildirək ki, ötən ay sözügedən brauzerin bazar payı 71.58% təşkil edib.

 

Ən populyar brauzerlərin reytinqində ikinci yerdə 9,58% göstəriciyə malik “Firefox”, üçüncü yerdə isə “Safari” (6,46%) qərarlaşıb.

 

“Microsoft Edge” brauzerinin bazar payı 4,56% təşkil edir. “Microsoft” şirkəti bu göstəricidən narazıdır və indi yenidən onun üzərində dəyişikliklər etməyə hazırlaşır. “EdgeHTML” arxitekturasının əvəzinə “Chromium”dan istifadəyə dair qərar verilib.

 

Emil Hüseynov





Baxış sayı: 399

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024