12px13px15px17px
Tarix:06/05/19

Üçüncü Respublika İnnovasiya Müsabiqəsinə start verilib

İqtisadiyyat Nazirliyi Nəqliyyat, Rabitə və Yüksək Texnologiyalar, Mədəniyyət nazirlikləri, Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi, Azərbaycan Milli Elmlər Akademiyası, “Ernst & Yanq Holdinqs (SiAyEs) Bi.Vi.” şirkətinin ölkəmizdəki filialı və BMT-nin İnkişaf Proqramının Azərbaycan nümayəndəliyi ilə birgə Üçüncü Respublika İnnovasiya Müsabiqəsi elan edir.
 
Müsabiqənin keçirilməsində məqsəd BMT-nin “Dünyamızın transformasiyası: 2030-cu ilədək Dayanıqlı İnkişaf üzrə Gündəliyi”ndən irəli Dayanıqlı İnkişaf Məqsədlərinin (DİM) təşviqi, innovasiyaların həvəsləndirilməsi, həmçinin "Azərbaycan 2020: gələcəyə baxış" İnkişaf Konsepsiyasının və Milli iqtisadiyyat və iqtisadiyyatın əsas sektorları üzrə Strateji Yol xəritələrinin icrasına dəstək verilməsidir.
 
Müsabiqəyə innovativ ideyaları əks etdirən və DİM-in, “Azərbaycan 2020: gələcəyə baxış” İnkişaf Konsepsiyasının və Milli iqtisadiyyat perspektivləri üzrə Strateji Yol Xəritəsinin prioritetlərini əhatə edən layihələr qəbul olunur:
 
İnklüziv əmək bazarları:
aktiv əmək bazarı və məşğulluq tədbirləri ilə bağlı innovativ ideya və ya mexanizm;
həssas qrupların (uşaqlar, gənclər, əlillər və s.) cəmiyyətə inteqrasiyası üçün həllər;
əməyin təşkili və təşkilati mədəniyyət;
iqtisadi məhsuldarlığı yüksəldəcək yeni texnoloji avadanlıqlar və metodlar;
innovativ startap və inkluziv biznes inkubator;
peşə təhsilinin təşkili ilə bağlı innovativ təlim metodları;
dövlət və özəl sektor ilə peşə təhsili müəssisələri arasında qarşılıqlı əməkdaşlıq üzrə innovativ ideya;
ali təhsil səviyyəsində innovativ tədris və təlim metodları;
distant təhsil üsullarının tətbiqində innovativ yanaşmalar;
kreativ sənaye (industriya);
daha az kapital tutumlu infrastruktur.
 
“Yaşıl iqtisadiyyat”ın təşviqi:
yaşıl iqtisadiyyat;
iqlim dəyişikliyi və təbii fəlakətlərə qarşı erkən xəbərdarlıq ilə bağlı sistemin qurulması və maarifləndirmə;
iqlim dəyişikliyi ilə bağlı yerli şəraitdə effektiv planlaşdırma və idarəçilik;
ekoloji təmiz şəhər həyatı;
ekoloji təmiz nəqliyyat;
ekoloji təmiz kənd təsərrüfatı istehsalı;
ətraf mühitin təmizlənməsi üzrə texnologiya və ya ictimai innovasiya;
enerji səmərəliliyi;
alternativ enerji mənbələrindən (külək, günəş və s.) istifadə;
tullantıların utilizasiyası;
tullantısız və ya az tullantılı texnologiya;
ərzaq tullantılarının səmərəli və ekoloji istifadəsi;
dəniz və sahilyanı ekosistemlər;
meşələrin, bataqlıq ərazilərin, dağların və quru ərazilərin qorunması, bərpası və dayanıqlı istifadəsi;
nanotexnologiyalar və onların tətbiqi;
biomüxtəlifliyin qorunması;
elektron kənd təsərrüfatı sisteminin qurulması;
innovativ logistika;
yüksək əlavə dəyər yarada biləcək texnologiya və innovativ istehsal metodları;
urbanizasiya.
 
Sosial xidmətlərin göstərilməsinin təkmilləşdirilməsi:
innovativ sosial xidmətlər;
sosial infrastruktur və ictimai həyatda innovasiya;
səhiyyə, təhsil və mədəniyyət sahəsində göstərilən xidmətlərin yüksəldilməsinə yönələn innovativ layihələr
kommunal xidmətlərin keyfiyyətinin artırılması;
İKT sahəsində innovasiya;
Şəhərlərin idarə olunmasında İT həllər (Smart City);
dövlət xidmətlərinin göstərilməsi sahəsində İT (İoT) həllər;
yaşayış məntəqələrinin planlaşdırılması və idarə edilməsi;
turizm, bank və sığorta sahəsində innovativ ideya və ya biznes layihə;
dayanıqlı infrastruktur və şəhərlərin qurulması məqsədilə qabaqcıl mühəndislik;
cəmiyyətin bütün təbəqələrinin sosial-iqtisadi, mədəni və ictimai həyatda iştirakını təmin edəcək təbliğat-təşviqat;
açıq məlumatlardan istifadə üzrə innovativ ideaların və həllərin tətbiqi.
 
Müsabiqəyə təqdim edilən layihəyə dair tələblərə sahələr üzrə prioritetlik, iqtisadi səmərəlilik və həyata keçirilməsinin mümkünlüyü daxildir.
Müsabiqədə iştirak etmək istəyən namizədlər layihələrini cari ilin 10 iyul tarixinədək Azərbaycan Respublikasının Prezidenti  yanında Vətəndaşlara Xidmət və Sosial İnnovasiyalar üzrə Dövlət Agentliyinin “İdeya Bankı” platforması və ya narmin.babayeva@economy.gov.az elektron poçtu vasitəsilə təqdim edə bilərlər. Bunun üçün iştirakçılar “www.ideya.az” internet səhifəsində qeydiyyatdan keçməli, “2019-İnnovasiyalar” müsabiqəsini seçməli, təqdim olunan formanı dolduraraq layihəni göndərməlidirlər. Müsabiqə barədə ətraflı məlumatı “www.sdg.az” saytından əldə etmək olar. 

Müsabiqədə I yerin qalibi 5000 manat, II yeri tutan 3000 manat, III yerin sahibi isə 2000 manat məbləğində mükafatlandırılacaq. Müsabiqə çərçivəsində Qiymətləndirmə Komissiyası tərəfindən bəyənilən layihələr reallaşdırılması və tətbiqi məqsədilə müxtəlif dövlət qurumları, təşkilatları və sahibkarlıq subyektləri üçün təşviq edilməsinə dəstək göstəriləcəkdir. Eyni zamanda, əsas mükafatlandırma ilə yanaşı Komissiya tərəfindən bəyənilən layihələr üzrə həvəsləndirici mükafatlar nəzərdə tutulur. 

Bundan başqa, 2019-cu il üçün qalib elan olacaq 2 komanda Estoniyada keçiriləcək “STARTUp Day” proqramına, seçilən 3 layihə isə ölkə finalından sonra təkmilləşdirilmə və satış istiqamətində 4 aylıq intensiv proqrama cəlb olunacaqdır. Bir və ya iki qalib layihə hər il həyata keçirilən "Azərbaycanın biznes ictimaiyyətində menecerlərin ixtisasının artırılması üzrə Almaniya-Azərbaycan birgə Proqramı"nda iştirak etmək hüququ qazanacaqdır.
 
Həmçinin müsabiqə qaliblərindən biri Nəqliyyat, Rabitə və Yüksək Texnologiyalar Nazirliyi  tərəfindən “Fast Track Azərbaycan” proqramına dəvət olunacaq, seçilən bir layihə isə Data Mərkəzin “Cloud4Start” mükafatını (3000 manat-data və cloud servislər paketi) əldə edəcəkdir. 
 





Baxış sayı: 22

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






21 Sentyabr 2019

20 09 2019

20/09/19
2020-ci ildə “5G”-smartfonların qlobal tədarükü 260 milyona yaxınlaşacaq

Tayvanın “Market Intelligence & Consulting Institute” şirkətinin analitiklərinin proqnozuna 

20/09/19
“LTE” şəbəkələrinə qoşulmaların sayı 5 milyarda yaxınlaşıb

Bu ilin ikinci rübündə “LTE” şəbəkələrinə 250 milyona yaxın yeni qoşulma qeydə alınıb, onların ümumi sayı isə 4,7 milyarda

20/09/19
Yapon alimləri ehtimala əsaslanan ilk kompüter təqdim ediblər

Yaponiyanın Toxoku və ABŞ-ın Perdyu universitetlərinin  mühəndisləri 

20/09/19
"Əsrin müqaviləsi"nin 25 illiyinə həsr olunmuş poçt markaları dövriyyəyə buraxılıb

Nəqliyyat, Rabitə və Yüksək Texnologiyalar Nazirliyinin tabeliyində fəaliyyət göstərən “Azərmarka” MMC 

20/09/19
“Facebook” televizor vasitəsilə videoçat üçün qurğu təqdim edib

“Facebook” şirkəti televizordan “Messenger” və “WhatsApp” proqramları 

20/09/19
“KaiOS” platformalı mobil telefonların tədarükü 65 faiz artacaq

“Digitimes Research” tədqiqat şirkəti 2019-cu ildə “KaiOS” əməliyyat sisteminin idarəetməsi ilə işləyən 

20/09/19
“WannaCry” virusunun versiyaları durmadan artır

 “WannaCry” fırıldaqçı virusunun yayılmasından iki il ötməsinə baxmayaraq o aktiv olmaqla yanaşı

20/09/19
“Huawei Mate 30” smartfonu nümayiş olunub

Çinin “Huawei” şirkəti Münhendə keçirilən təqdimatda yeni qabaqcıl “Mate 30” smartfonunu nümayiş etdir