12px13px15px17px
Tarix:01/06/19

Heydər Əliyev Mərkəzinin parkında “İnnoFest Village” təşkil edilib

İyunun 1-də "İnnovasiya Festivalı" çərçivəsində Heydər Əliyev Mərkəzinin parkında "İnnoFest Village" təşkil olunub.
 
Nəqliyyat, Rabitə və Yüksək Texnologiyalar naziri Ramin Quluzadə, Gənclər və İdman naziri Azad Rəhimov, Heydər Əliyev Mərkəzinin direktoru Anar Ələkbərov  "İnnoFest Village"də İnnovasiyalar Agentliyi tərəfindən innovativ məhsul və xidmətlərin, startapçıların uğurlu tətbiqlərinin nümayiş olunduğu, VR oyunlar, dronlarla, robotlarla iş imkanı yaradan təlimlərin keçirildiyi, əyləncə zonası ilə təchiz edilmiş "Robopark"  pavilyonunda olublar.
 
Bir neçə zonadan ibarət olan pavilyonda "Mars Academy" tərəfindən gələcəyin yenilikçi texnologiya mühəndislərinin yetişməsinə töhfə vermək, kiçik yaşlardan bu sahəyə maraq aşılamaq məqsədilə STEAM (Science, Technology, Engineering, Art, Math – Elm, Texnologiya, Mühəndislik, İncəsənət, Riyaziyyat) təhsil proqramları barədə məlumatlar təqdim edilir. Proqramın hədəfi peşə seçimi mərhələsinə gəlib çatmış gənclərə özlərini müxtəlif peşələrdə sınamaqda, eləcə də düzgün seçim etməkdə kömək olmaqdır.
Bundan başqa, "Azercell" şirkətinə məxsus əyləncə zonasında interaktiv oyunlar, şirkətin göstərdiyi xidmətlərlə yanaşı, internet təhlükəsizliyi ilə bağlı məlumatlar  təqdim olunur.
Pavilyonda Nəqliyyat, Rabitə və Yüksək Texnologiyalar Nazirliyinin İKT LAB Tətbiq və Tədris Mərkəzi, 23 saylı məktəblə birgə SUMAKS ACADEMY, Azərbaycan Robotexnika Mühəndisliyi Akademiyası (AREA), "Engineering kids", Hədəf Liseyi, "Stu age" stendləri  xüsusi maraqla qarşılanıb.
 
Həmçinin, Nəqliyyat, Rabitə və Yüksək Texnologiyalar Nazirliyinin tabeliyində fəaliyyət göstərən "Azərmarka" MMC tərəfindən keçirilən 1 iyun – Uşaqların Beynəlxalq Müdafiəsi Gününə həsr olunmuş "Gələcək" mövzusunda rəsm müsabiqəsinin qalibləri də "İnnoFest Village"də elan edilib.
 
 Birinci yerin qalibi 12 yaşlı Paşayev Əlcamal 300, ikinci yerin sahibi 12 yaşlı Aşımlı Əli və 10 yaşlı Əbdurrəhimli Ziya 200, üçüncü yeri tutan 10 yaşlı Əliyeva Aylin isə 100 AZN məbləğində pul mükafatı ilə mükafatlandırılıb.
 
Qalibləri təbrik edən Nəqliyyat, Rabitə və Yüksək Texnologiyalar naziri Ramin Quluzadə bildirib ki, onların rəsmlərindən poçt markaları hazırlanaraq dövriyyəyə buraxılacaq.
"İnnoFest Village" çərçivəsində həmçinin  "Baku Open Cyber Cup" kiber idman turniri təşkil edilib.
 
Nəqliyyat, Rabitə və Yüksək Texnologiyalar Nazirliyinin dəstəyi, Heydər Əliyev Mərkəzinin tərəfdaşlığı ilə Azərbaycan Kiber İdman Federasiyası tərəfindən keçirilən turnirdə "playstation" platformasında iki oyun növü "PES 2019" üzrə yarışlar olub. Turnirdə 15 yaşdan yuxarı şəxslər iştirak ediblər. Hər bir oyun növü üzrə seçilmiş 64 iştirakçı gücünü sınayıb. Olimpiya sistemi üzrə keçiriləcək oyunlardan sonra qaliblər müəyyənləşdirilib. Yarışın qalibləri pul mükafatı ilə təltif olunub.
 
"İnnoFest Village" öz işini sabah da davam etdirəcək.

 

 

 

 

 

 

 

 

 

 

 

 

 

 

 

 

 

 

 





Baxış sayı: 113

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






24 Fevral 2020

24/02/20
“5G” avadanlıq bazarında 71% illik artım gözlənilir

“Technavio” analitiklərinin proqnozuna görə, 2023-cü ildə beşinci nəsil (5G) şəbəkələri üçün qlobal avada

24/02/20
“MasterCard” yeriş və ürək döyüntüsü ilə ödəniş etməyi təklif edir

“MasterCard” şirkəti yeriş, üz ifadələri və ürək döyüntüsünə görə şəxsiyyətin eyniləşdirilməsini

24/02/20
Ən ucuz düyməli smartfon təqdim edilib

Pakistanın “Jazz” telekommunikasiya şirkəti “Jazz Digit 4G” adlı dünyanın ən ucuz düyməli smartfonunu buraxıb.

24/02/20
“HAPS Alliance” yüksək hündürlükdə əlçatan internetin inkişafı ilə məşğul olacaq

Telekommunikasiya, texnologiya, aviasiya və aerokosmik şirkətlər qrupu “HAPS Alliance” adlı əməkdaşlıq

24/02/20
Robot ilk dəfə mikrocərrahiyyə əməliyyatı keçirib

Niderlandlı alimlər tərəfindən təqdim edilmiş robot ilk dəfə uğurlu mikrocərrahiyyə əməliyyatı keçirib

24/02/20
Ştutqart Aeroportunda ekzoskeletlər yükdaşıyanlara kömək edəcək (VİDEO)

Almaniyanın Ştutqart Aeroportunda xüsusi ekzoskeletlər yükdaşıyanların istifadəsinə verilib.

24/02/20
Avropa İttifaqında süni intellekt sahəsinin tənzimlənməsi üzrə plan hazırlanıb

Avropa Komissiyası süni intellekt sənayesi üçün tənzimləyici norma və tələblərin yaradılması üzrə plan tə

24/02/20
Ən sürətli internet hansı ölkədədir?

“WebsiteToolTester” şirkəti hesabat dərc edərək ən sürətli internetin olduğu dünya ölkələrinin siyahısını

23 02 2020