12px13px15px17px
Tarix:02/06/19

“İnnoFest Village” maraqlı tədbirlərlə davam edib

"İnnovasiya Festivalı" çərçivəsində Heydər Əliyev Mərkəzində təşkil olunan "İnnoFest Village" maraqlı tədbirlərlə davam edib.

 

"İdeyadan Biznesə - İ2B Junior" layihəsi təqdim olunub. Layihə özündə "STUAGE" şirkətinin təşkilati dəstəyi ilə baş tutan "Idea Generator" platformasının da ilkin nümayişini əhatə edib. Festival iştirakçılarının öz innovativ ideyalarını həyata keçirməsi üçün bir neçə mərhələdən ibarət olan təlimlər təklif olunub.

 

Layihənin növbəti il ərzində regionlarda mütəmadi keçirilməsi nəzərdə tutulur. Final mərhələsi ilin ikinci yarısında keçiriləcək.

 

"İdeyadan Biznesə" layihəsi çərçivəsində Bakıda yerləşən ali təhsil müəssisələrini əhatə edən 3 günlük startap müsabiqəsinin nəticələri müəyyən olub. Heydər Əliyev Mərkəzində keçirilən Bakı Finalında "NanoDesal", "AntiAge şirəsi", "NanoDesal", "HealWith", "Bumeranq", "AgroShare", "Plan to plant", "Game of war and modern technologies", "Palliativ qayğı" və "Buqələmun" layihələri qalibiyyət uğrunda mübarizə aparıb.

 

Final mərhələsində layihələr mütəxəssislərdən ibarət münsiflər heyəti qarşısında təqdim edilib.Jüri tərəfindən ideyanın unikallığı, bazar potensialı, investisiyanın mənfəət müddəti, ilkin xidmətin prototipinin hazırlanmasına tələb olunan müddət, komandanın ideyanı gerçəkləşdirmə qabiliyyəti kimi göstəricilər üzrə qiymətləndirmə aparılıb.

 

"NanoDesal" layihəsi birinci yerə layiq görülüb. "HealWith" layihəsi ikinci, "AgroShare" üçüncü olub.

 

Hər üç layihə avqust ayının sonlarında 12 regionun da qaliblərinin iştirak edəcəyi "İnnocamp" yay düşərgəsinə vəsiqə qazanıblar. Yay düşərgəsində "İdeyadan Biznesə" layihəsinin builki qalibləri mentorların, biznes inkubasiya mərkəzlərinin nümayəndələrinin, eləcə də psixoloqların dəstəyi ilə finala hazırlıq məşğələlərində iştirak edəcəklər.

 

Oktyabrda keçiriləcək milli finalda isə ümumrespublika üzrə 1, 2 və 3-cü yerlərin qalibləri müəyyən olunacaq. Sonda təşkilatçılar və tərəfdaşlar qalib gələcək ilk üç yerin sahiblərinə ideyalarını biznesə çevirmək üçün maliyyə dəstəyi göstərəcək. Həmçinin, Beynəlxalq Dron Olimpiadasının Azərbaycan finalı ("DronTech") keçirilib. "DronTech" Nəqliyyat, Rabitə və Yüksək Texnologiyalar Nazirliyi və "RoboPark"ın tərəfdaşlığı, Gənclər və İdman Nazirliyinin dəstəyi ilə Azərbaycan Robotexnika Mühəndislik Akademiyası (AREA) tərəfindən təşkil olunub.

 

Olimpiadada Bakı və Sumqayıt şəhərlərində fəaliyyət göstərən dövlət və özəl orta təhsil müəssisələrində təhsil alan 7-12 yaş arası 25 şagird ən uğurlu pilot olmaq uğrunda mübarizə aparıblar. Şagirdlər öz gücünü "Drone Race", "Drone Football" və "Drone Challenge" olmaqla 3 fərqli kateqoriyada sınayıblar. Hər kateqoriya üzrə ilk 3 yeri tutan iştirakçılar sertifikat və hədiyyələrlə təltif edilib.

 

"Drone Race" üzrə 1-ci yerə Eldar Mustafayev, 2-ci yerə Emil Abbasov, 3-cü yerə Ömər Hacıhəsənli layiq görülüb.

 

"Drone Football" kateqoriyasında Saleh Quluzadə 1-ci, Polad İsmayıllı 2-ci, Eldar Mustafayev 3-cü olub.

 

"Drone Challenge" kateqoriyasında isə Eldar Mustafayev qələbə qazanıb. Ömər Hacıhəsənli və Əli Məmmədquliyev müvafiq olaraq, 2-ci və 3-cü yerə çıxıblar.

 

Qaliblər Azərbaycanda ilk dron pilot uçuş vəsiqələrini əldə ediblər.

 

"İnnoFest Village"də təşkil olunan tədbirlərdən biri də "TechFest" sərgisi olub.

 

Sözügedən sərgi Amerika Birləşmiş Ştatlarının Azərbaycandakı Səfirliyi, Nəqliyyat, Rabitə və Yüksək Texnologiyalar Nazirliyi və "Mars Academy" tərəfindən Bakıda ilk dəfə keçirilib. "TechFest Bakı" yerli istehsalçılar üçün öz məhsullarını sərgiləmək, master-klaslarda iştirak etmək və layihələrini beynəlxalq münsiflər heyətinə təqdim etmək üçün geniş imkanlar təqdim edib. Yerli "maker"lər öz məhsullarını innovasiyalar agentlyinin stendində nümayiş etdirib.

 

"İnnoFest Village"i ziyarət edən ABŞ-ın ölkəmizdəki səfiri Li Litsenberqer "TechFest" sərgisində olub. O, ən çox bəyənilən layihələri mükafatlandırıb.

 

"Additional Electric Suply for Electric Cars", "İnvisible Energy", "Click Energy" mükafat alan layihələr olub.

 

 

 

 

 

 

 

 

 

 

 

 

 

 





Baxış sayı: 103

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






24 Fevral 2020

24/02/20
“5G” avadanlıq bazarında 71% illik artım gözlənilir

“Technavio” analitiklərinin proqnozuna görə, 2023-cü ildə beşinci nəsil (5G) şəbəkələri üçün qlobal avada

24/02/20
“MasterCard” yeriş və ürək döyüntüsü ilə ödəniş etməyi təklif edir

“MasterCard” şirkəti yeriş, üz ifadələri və ürək döyüntüsünə görə şəxsiyyətin eyniləşdirilməsini

24/02/20
Ən ucuz düyməli smartfon təqdim edilib

Pakistanın “Jazz” telekommunikasiya şirkəti “Jazz Digit 4G” adlı dünyanın ən ucuz düyməli smartfonunu buraxıb.

24/02/20
“HAPS Alliance” yüksək hündürlükdə əlçatan internetin inkişafı ilə məşğul olacaq

Telekommunikasiya, texnologiya, aviasiya və aerokosmik şirkətlər qrupu “HAPS Alliance” adlı əməkdaşlıq

24/02/20
Robot ilk dəfə mikrocərrahiyyə əməliyyatı keçirib

Niderlandlı alimlər tərəfindən təqdim edilmiş robot ilk dəfə uğurlu mikrocərrahiyyə əməliyyatı keçirib

24/02/20
Ştutqart Aeroportunda ekzoskeletlər yükdaşıyanlara kömək edəcək (VİDEO)

Almaniyanın Ştutqart Aeroportunda xüsusi ekzoskeletlər yükdaşıyanların istifadəsinə verilib.

24/02/20
Avropa İttifaqında süni intellekt sahəsinin tənzimlənməsi üzrə plan hazırlanıb

Avropa Komissiyası süni intellekt sənayesi üçün tənzimləyici norma və tələblərin yaradılması üzrə plan tə

24/02/20
Ən sürətli internet hansı ölkədədir?

“WebsiteToolTester” şirkəti hesabat dərc edərək ən sürətli internetin olduğu dünya ölkələrinin siyahısını

23 02 2020