XƏBƏRLƏR

Tarix:25/06/19

“Google” avtomatik silinən fotoları paylaşmağa imkan verib

“Android” və “iOS” əməliyyat sistemləri üçün əlçatan olan “Google Duo” videoçatında avtomatik silinən fotoları göndərmək imkanı əlçatan olub. Bunun üçün, sadəcə, proqramın 56-cı versiyasını quraşdırmaq lazımdır.

“ICTnews” Elektron Xəbər Xidməti “ferra.ru” saytına istinadən yazır ki, ancaq mobil proqramın özündə fotonu göndərmək üçün düymə yoxdur. “Google”un başqa xidmətləri, məsələn, “Photos” vasitəsilə bunu etmək olar. Sözügedən proqrama daxil olmaq, oradan fotonu seçmək, "Paylaşmaq" düyməsinə sıxmaq və açılan siyahıdan “Google Duo” seçmək lazımdır. Bundan sonra redaktorda açılmış şəklə hansısa mətn və ya şəkil əlavə etmək mümkündür. Nəhayət, sonda kontaktlar siyahısı əlçatan olacaq: fotonu 5 nəfərə göndərmək mümkündür.

Göndərilmiş foto 24 saatdan sonra silinir.

Emil Hüseynov

Baxış sayı: 724