TƏHLÜKƏSİZLİK

Tarix:04/07/19

"Kasperski laboratoriyası" pul tələb edən yeni virus aşkar edib

"Kasperski laboratoriyası" şirkəti tərəfindən aşkar edilmiş virus “Windows” sisteminin boşluğundan istifadə edir və istifadəçilərdən 2500 dollar məbləğində bitkoinlər vasitəsilə ödəniş tələb edir.

“ICTnews” Elektron Xəbər Xidməti “ria.ru” saytına istinadən yazır ki, “Sodin” adlı şifrləyici proqram sistemdə öz imtiyazlarını artırmaq üçün “Windows” sistemində "sıfır gün" boşluğundan istifadə edir və özünü gizlətmək üçün prosessorun arxitektura xüsusiyyətlərindən istifadə edir. Məlumatlara müdaxilə edən virus bitkoinlər vasitəsilə ödəniş tələb edir.

"Bu şifrləyicinin yayılma metodu əksər hallarda qurban tərəfindən hər hansı aktiv hərəkətlərin edilməsini nəzərdə tutmur. Cinayətkarlar serverə müdaxilə edərək həmin sistemdə gizli şəkildə zərərli proqram təminatı quraşdırırlar" – şirkətin mətbuat xidmətindən bildirilib.

Emil Hüseynov

Baxış sayı: 968