12px13px15px17px
Tarix:09/07/19

“Dual-Image” texnologiyasını dəstəkləyən ilk televizorlar nümayiş olunub

"Hisense" şirkəti dünyada ilk dəfə "Dual-Image" texnologiyası əsasında hazırlanan "U9e" seriyalı televizorlar nümayiş etdirib.
 
"ICTnews" Elektron Xəbər Xidməti "3DNews www.3dnews.ru" resursuna istinadən yazır ki, qurğuların ekranı ənənəvi rəngli "LCD" və əlavə monoxrom displey birləşməsindən ibarətdir. "BD Cell" adlanan həllin hazırlanmasında Çinin "BOE" şirkətinin mütəxəssisləri iştirak ediblər.  
 
Bildirilir ki, tətbiq edilən texnologiya adi maye-kristal panellərlə müqayisədə bir sıra üstünlüklərə malikdir. Belə ki, "Hisense U9e" modelində kontrastlıq nisbəti 150 000:1 təşkil edir ki, bu da yüksək göstərici hesab edilir.
 
Təsvirin keyfiyyətinə görə yeni televizorlar üzvi işıq diodlu (OLED) panellərlə müqayisə olunsa da, qiyməti ucuzdur. Bundan əlavə, rəngvermə yüksək səviyyədədir.
 
Hazırda "Hisense U9e" seriyasında 55, 65 və 75 düym diaqonallı 3 model təqdim olunub. Modellərin təsvir ölçüsü barədə məlumat verilməsə də, onların "4K" formatlı olması ehtimal edilir.
 
Bu il satışa yalnız qiyməti 2600 dollar təşkil edən 65 düym diaqonallı versiyanın çıxarılması planlaşdırılır. Digər iki modelin isə 2020-ci ildə satışa çıxarılacağı gözlənilir.
 
Nizam Nuriyev




Baxış sayı: 71

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






21 Oktyabr 2019

20 10 2019