XƏBƏRLƏR

Tarix:30/07/19

Ölçüsü smartfondan kiçik fərdi kondisioner hazırlanıb

"Sony" şirkətinin mühəndisləri tərəfindən ölçüsü smartfondan kiçik olan fərdi kondisioner hazırlanıb.

"IctNews" Elektron Xəbər Xidməti "hi-news.ru" saytına istinadən yazır ki, yapon şirkətinin əməkdaşları 85 qram ağırlığında olan yığcam daşınan kondisioneri "Reon" startapı çərçivəsində hazırlayıblar.

Qurğunun işinin əsasını Peltier elementi və ventilyator təşkil edir. Peltier elementi, sadə dillə desək, temperatur fərqinə görə bir tərəfdən soyuq, digər tərəfdən isə isti olan qurğudur. Bu effekt, həmçinin kondisionerdə istifadə olunur. Ventilyator elementin soyudulması və izafi istiliyi cihazın özündən kənarlaşdırmaq üçün lazımdır.

"Reon Pocket" adlandırılmış cihaz həm bədənin soyudulması, həm də qızdırılması üçün istifadə edilə bilər. Cihaz temperaturu 8-13 selsi dərəcə aşağı sala, yaxud yüksəldə bilər, qurğunun akkumulyatoru isə 1,5 saat fasiləsiz işləmək üçün nəzərdə tutulub. Qurğunun enerji ilə yüklənməsinə təxminən 2 saat vaxt tələb olunur.

Emil Hüseynov

Baxış sayı: 622