12px13px15px17px
Tarix:05/08/19

“Huaqin” şirkəti “Samsung” smartfonlarının buraxılışı ilə məşğul olacaq

“Samsung” şirkəti ucuz smartfon və orta sinifli qurğuların buraxılışı ilə məşğul olacaq Çinin müqavilə əsasında fəaliyyət göstərən (ODM) “Huaqin” istehsalçısı ilə saziş imzalayıb.

 

“ICTnews” Elektron Xəbər Xidməti “DGL” resursuna istinadən yazır ki, bu, “Samsung” şirkətinin bağladığı ikinci oxşar sazişdir. Belə ki, Cənubi Koreya istehsalçısı bundan əvvəl “Samsung Galaxy Galaxy A6s” və “Samsung Galaxy A60” smartfonlarını hazırlayan “Wingtech” şirkəti ilə əməkdaşlığa başlayıb.

 

Bildirilir ki, “ODM” istehsalçılarından istifadə “Samsung” şirkətinə istehsal xərclərini azaltmağa və Çinin “Huawei”, “Xiaomi”, “Oppo” və s. smartfon istehsalçılarına görə böyük problemlərlə üzləşdiyi ucuz qurğular seqmentində uğurla rəqabət aparmağa imkan verəcək.

 

“IHS Market” analitik şirkətinin qiymətləndirməsinə görə, “ODM” istehsalçıları tərəfindən buraxılan “Samsung” smartfonlarının payı bu il 8 faizə çataraq təxminən 40 milyon ədəd təşkil edəcək.

 

Bütün proseslərin, o cümlədən məhsulun dizayn və hazırlanmasının podratçı şirkət tərəfindən idarə edilməsini nəzərdə tutan “OEM” müqaviləsindən fərqli olaraq “ODM” sazişinin şərtinə yalnız hazırlanma daxildir, məhsulun işlənməsi və dizaynı ilə sifarişçi məşğul olur.

 

Nizam Nuriyev





Baxış sayı: 633

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024