İKT

Tarix:22/11/11

“HP” şirkətinin rüblük gəliri 10 dəfə azalıb

“Hewlett-Packard” şirkəti 2011-ci maliyyə ili haqqında hesabat verib. Ən böyük fərdi kompyuter istehsalçısı 3 ay ərzində 32,1 milyard mədaxil əldə edib.

Bu göstərici keçənilki nəticədən 3% azdır. Server və məlumat saxlanılma sistemlərinin satışları 4%, çap qurğuları isə 10% azalıb. İstehlak sektorunda mədaxil 2% azalıb. Proqram təminatı seqmentində mədaxil 28% artıb. “HP” şirkətinin xalis mənfəəti 1 il ərzində təxminən 10 dəfə azalıb.

İllik mədaxil 1% artaraq 127,2 milyard dollar təşkil edib. Bazar iştirakçıları hesab edirlər ki, şirkətin yeni icraçı direktoru Meq Uitmen maliyyə vəziyyətinin sabitləşməsi və bazar mövqelərinin möhkəmləndirilməsi üçün çox səy göstərməli olacaq.

Baxış sayı: 1092