12px13px15px17px
Tarix:31/10/19

“3D” printerlə çap edilən ən böyük bina təqdim olunub (VİDEO)

Dubayda üçölçülü printer vasitəsilə tam çap edilən dünyanın ilk ikimərtəbəli binasının açılışı olub.

 

"ICTnews" Elektron Xəbər Xidməti "4PDA" resursuna istinadən yazır ki, Dubay bələdiyyəsinin baş direktoru Davud əl-Həcrinin sözlərinə görə, bu layihə tikinti sənayesində vacib dönüş anıdır. "İnşaatda "3D" çap texnologiyası binaların ucaltma sürətini artırır və onları rekord qısa müddət ərzində təhvil verməyə imkan verir. Bu, həmçinin tikinti xərclərini azaldır və işçi sayının azaldılması sayəsində demoqrafik vəzifələrin həllinə kömək edir", – o qeyd edib.

 

Rekord binanın hündürlüyü 9,5 metr, ümumi sahəsi 640 kvadratmetr təşkil edir. Onun ucaldılması üçün adi binaların inşasında olduğundan iki dəfə az işçi qüvvəsindən istifadə edilib. Bundan başqa, tullantıların miqdarı adi inşaat işləri ilə müqayisədə 60 faiz azaldılıb. Binanın ucaldılması üçün ümumi xərclər də bir o qədər azalıb. Ekspertlərin sözlərinə görə, çap edilmiş bina bütün tikinti standartlarına uyğundur.

 

Davud əl-Həcri bildirib ki, Dubay binaların inşası üçün "3D" çapdan istifadə sahəsində dünya paytaxtına çevriləcək.

 

Nizam Nuriyev

 

 





Baxış sayı: 535

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






19 Aprel 2024

18 04 2024