12px13px15px17px
Tarix:18/12/19

“SpaceX” yüksəksürətli internet üçün peyk buraxıb

“SpaceX” şirkəti göyərtəsində “JCSAT 18/Kacific 1” telekommunikasiya peykinin olduğu “Falcon 9” raketdaşıyıcısının buraxılışını həyata keçirib.

 

“ICTnews” Elektron Xəbər Xidməti “Hightech” resursuna istinadən yazır ki, layihə Sakit okean regionunda – Asiya və Avstraliyanın cənub sahilləri arasında yerləşən minlərlə adanın sakinlərinə genişzolaqlı internetə çıxışa imkan yaradacaq. Orada yaşayan əhali əsasən aşağı sürətli internetdən istifadə edir və ya rəqəmli dünyadan təcrid edilmiş şəkildə qalır.

 

Əksər internet provayderləri nümayəndələrinin fikrincə, regionda internetin çəkilməsi xərcini ödəməyəcək. Onların sözlərinə görə, orada genişzolaqlı rabitəni yalnız okeanın dibi ilə çəkilən mis və ya fiber-optik kabellərlə təmin etmək mümkündür. Lakin onların quraşdırılmasının baha başa gəlməsi səbəbindən əksər şirkətlər qoyulan vəsaitin geri qaytarılmayacağına əmindir.

 

“SpaceX” raketinin ilk pilləsi əvvəllər həyata keçirilən buraxılışlarda iki dəfə istifadə olunub. Şirkət onu Yerə qaytararaq təkrar istifadəsini planlaşdırsa da, raketin ön müqavimət sipərinin iki elementi suya düşüb. Şirkət əməkdaşları tərəfindən onların tapılaraq növbəti buraxılışlarda tətbiqi nəzərdə tutulur.

 

Noyabrda “SpaceX” tarixində ilk dəfə istifadə olunmuş ön müqavimət sipəri ilə təchiz edilən “Falcon 9” raketdaşıyıcısını buraxıb. O, kosmosdan internetin paylanılması üçün nəzərdə tutulan “Starlink” sisteminin 60 peykini orbitə çatdırıb. Şirkət 2017-ci ildən ön müqavimət sipərindən təkrar istifadə sayəsində raketin 50 faiz çox tətbiqi üzərində çalışır.

 

Nizam Nuriyev





Baxış sayı: 708

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024