12px13px15px17px
Tarix:20/12/19

“Samsung” şirkəti “microLED” displeylərin kütləvi istehsalına başlayacaq

“Samsung” şirkəti 2020-ci ildə “microLED” displeylərin kütləvi istehsalına başlamağı planlaşdırır. Bu barədə Cənubi Koreyanın “ETNews” nəşrinin məlumatında deyilir.

 

“ICTnews” Elektron Xəbər Xidməti “Digger” resursuna istinadən yazır ki, “Samsung” şirkəti “microLED” texnologiyasını ilk dəfə 2018-ci ildə “CES” sərgisində “The Wall” adlı qurğu üzərində nümayiş etdirib. “microLED” ekranının hər pikseli ayrı-ayrı işıq diodlarından ibarətdir ki, bu da daha yaxşı baxış bucağını, yüksək parlaqlığı və kontrastlığı təmin edir. Bundan başqa, bu displeylər adi “LED” panelləri ilə müqayisədə daha az enerji sərf edirlər.

 

Məlumata görə, Cənubi Koreya istehsalçısı kütləvi istehsala başlamaqla bağlı tərəfdaşlarla danışıqlar aparır. Bundan əlavə, “Samsung” növbəti ilin birinci yarısında “microLED” ekranların yaradılması üzrə avadanlıq və zavodlara investisiya qoyuluşunu nəzərdə tutur.

 

Nizam Nuriyev





Baxış sayı: 552

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024