12px13px15px17px
Tarix:20/02/20

"Copypaste" konsepsiyasının ixtiraçısı dünyasını dəyişib

İnterfeys və proqramlarda "kəsmək", "kopyalamaq" və "yerləşdirmək" (cut, copy, paste) kimi funksiyaların müəllifi olan kompüter tərtibatçısı Larri Tesler 74 yaşında dünyasını dəyişib.

 

“ICTnews” Elektron Xəbər Xidməti “vesti.ru” saytına istinadən yazır ki, Larri Tesler 1945-ci ildə Nyu-Yorkda anadan olub və Stenford Universitetində kompüter elmini öyrənib. Təhsilini başa vurduqdan sonra süni intellekt tədqiqatları sahəsində işləyib, 1973-cü ildə Palo-Alto Tədqiqat Mərkəzində (PARC) işləməyə başlayıb.

 

Mühəndislər PARC-da gələcəyin kompüterləri üçün ideyaları sınaqdan keçirirdilər. Larri Tesler də məhz burada "copypaste" – mübadilə buferi vasitəsilə proqramlar arasında məlumatların rahat və intuitiv şəkildə daşınması konsepsiyasını hazırlayıb. İlk öncə mətn üzərində işlərin sadələşdirilməsi üçün yaradılmış "kopyalamaq", "kəsmək" və "yerləşdirmək" funksiyaları sonralar təkcə mətn redaktorlarının deyil, həm də istənilən proqram və əməliyyat sisteminin ayrılmaz bir hissəsinə çevrildi.

 

Emil Hüseynov





Baxış sayı: 472

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024