12px13px15px17px
Tarix:03/04/20

“Samsung” karantinə yerləşdirilən koronavirus xəstələrinə smartfonlar paylayır

Cənubi Koreyanın “Samsung” şirkəti koronavirus epidemiyası ilə mübarizəyə töhfə verməyə başlayaraq xəstə, hakimiyyət və tərəfdaşlara göstərilən yardımı açıqlayıb.

 

“ICTnews” Elektron Xəbər Xidməti “NEWSru” resursuna istinadən yazır ki, məlumata görə, şirkət bütün dünya üzrə əməkdaşlara regional dəstək mərkəzləri yaradıb, əksər işçiləri məsafəli işə keçirib, ezamiyyətləri maksimum azaldıb, eləcə də müəssisə və mağazaların bir qisminin fəaliyyətini dayandırıb.

 

Həmçinin “Samsung” yanvardan etibarən müxtəlif ölkələrdə koronavirus epidemiyası ilə mübarizəyə 29 milyon dollar ianə edib. Bundan başqa, şirkət karantinə yerləşdirilən koronavirus xəstələrinin qohum və dostları ilə əlaqə saxlaması üçün onlara smartfonlar təqdim edir. Həmçinin xəstəxana və karantin mərkəzlərinə havatəmizləyici və digər avadanlıqlar verilir, şirkətin planşetlərini isə şagirdlərin məşğələlərdə məsafəli iştirakı üçün təhsil müəssisələri alır.

 

Bundan əlavə, “Samsung” mühəndisləri Cənubi Koreyanın tibbi maska istehsalçılarına işin səmərəliliyini artırmaqda kömək məqsədilə onlarla əməkdaşlıq edirlər. Belə ki, bir sıra hallarda şirkət tərəfindən edilən kömək gündəlik maska istehsalının həcmini iki dəfədən çox artırmağa imkan verib.

 

Xatırladaq ki, martın ortalarında “Samsung” qurğularının dezinfeksiyası üzrə pulsuz xidmət istifadəyə verilib. “Galaxy Sanitizing Service” adlı xidmətdən rəsmi “Samsung” servis mərkəzlərində və “Samsung Experience Store" mağazalarında istifadə etmək mümkündür. Xidmət çərçivəsində şirkət əməkdaşları tərəfindən ultrabənövşəyi şüalanma vasitəsilə "Galaxy" seriyalı smartfon, "ağıllı" saat və qulaqcıqların dezinfeksiyası aparılır. Bununla qurğulardakı bütün bakteriya, mikrob və viruslar məhv edilir. "Samsung" nümayəndələrinin sözlərinə görə, dezinfeksiya üçün qurğular texnikanın işinə təsirinin müəyyənləşdirilməsi üçün əvvəlcədən test edilib.

 

Məlumata görə, şirkət smartfonun təmizlənməsi üçün abraziv materiallardan və ya bərk kimyəvi maddələrdən istifadəni tövsiyə etmir. Bu, onların ekranı cızması və ya oleofob örtüyü zədələməsi ilə izah olunur. Bundan başqa, “IP” reytinqinə malik olmayan qurğularda kimyəvi mayelərdən istifadə daxilə suyun düşməsinə səbəb ola bilər ki, bu da potensial baxımdan qurğunu sıradan çıxarar.

 

Hazırda xidmət Argentina, Çili, Xorvatiya, Danimarka, Finlandiya, Koreya Respublikası, Malayziya, Yeni Zelandiya, Norveç, Pakistan, Peru, Polşa, Rusiya, İspaniya, İsveç, ABŞ, Ukrayna, Vyetnam və Yaponiya kimi dünyanın 19 ölkəsində pulsuz təklif olunur.

 

Nizam Nuriyev





Baxış sayı: 156

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






01 İyun 2020

31 05 2020

31/05/20
Görkəmli Azərbaycan aktrisası Leyla Bədirbəylinin anadan olmasının 100 illiyi münasibətilə poçt markası buraxıldı

Nəqliyyat, Rabitə və Yüksək Texnologiyalar Nazirliyinin tabeliyində fəaliyyət göstərən “Azərmarka” MMC tə

31/05/20
“Xiaomi” şirkəti “6G” şəbəkəsinin sınaqlarına başlayıb

Çinin “Xiaomi” korporasiyası altıncı nəsil şəbəkəsinin ilkin sınaqlarına başlayıb. Bu haqda "Sinxua" xəbə

31/05/20
“Samsung Galaxy Watch Active 2” rəsmi olaraq tibbi cihaz statusu əldə edib

Hər il 16 milyondan çox insan insult keçirir. Elektrokardioqrama (EKQ) və qan təzyiqinə daimi nəzarət ürə

31/05/20
“LG” şirkətinin 48 düymlük ilk “4K OLED” televizoru nə vaxt satışa çıxarılacaq?

“LG” şirkəti 48 düym diaqonallı ilk “4K OLED” televizorun ABŞ-da satışa çıxarılma vaxtını açıqlayıb.<

31/05/20
İsveçdə ilk “5G” şəbəkəsi işə salınıb

“Tele2” telekommunikasiya şirkəti mayın 24-də İsveçdə ilk beşinci nəsil mobil rabitə şəbəkəsini (5G) isti

31/05/20
“IDC”: fərdi kompüter bazarı yalnız gələn il bərpa olunacaq

“International Data Corporation” (IDC) analitik şirkətinin analitikləri hesab edirlər ki, qlobal fərdi ko

31/05/20
Ən populyar smartfon açıqlanıb

“iPhone 11” 2020-ci ilin birinci rübünün yekunları üzrə ən populyar smartfon seçilib. Bu barədə “9t

31/05/20
“Android” sistemində aşkar edilmiş boşluq milyardlarla qurğunun təhlükəsizliyinə təhdiddir

Vaxtaşırı populyar əməliyyat sistemlərində aşkar edilmiş boşluqlar haqqında məlumatlar yayılır. Bu baxımd

31/05/20
“Microsoft” jurnalistləri robotlarla əvəzləyəcək

“Microsoft” korporasiyasının “MSN” portalında çalışan onlarla jurnalist robotlarla əvəzlənəcək.